Qazaqstannyń eki sportshysy jaǵajaı voleıbolynan ótip jatqan Azııa chempıonatynyń 1/8 fınalyna shyqty
ASTANA. KAZINFORM - Qazaqstannyń erler quramasynyń ókilderi Dmıtrıı ıAkovlev pen Sergeı Bogatý Fılıppınniń Santa-Rosa qalasynda jaǵajaı voleıbolynan ótip jatqan Azııa chempıonatynda 1/4 fınalǵa shyǵý úshin kúresedi, dep habarlady Ulttyq olımpıadalyq komıtet.
Qazaqstandyq jup toptyq kezeńnen sátti ótti. Otandastarymyz Japonııaǵa ese jibergenimen, Taıland pen Aýstralııa komandalarynan basym tústi.
Bul jeńis Bogatý men ıAkovlevke Azııa chempıonatynyń pleı-off kezeńine shyǵýǵa múmkindik berdi. 1/8 fınalda qazaqstandyqtar Indonezııadan kelgen juppen kezdesedi.
Sondaı-aq, pleı-offqa áıelder juby Laýra Qabylbekova men Nadejda Ivanchenko da shyqty. Olarǵa 1/8 fınalǵa shyǵý úshin Taıland komandasyna qarsy kezdesýde jeńiske jetý qajet.
«Atyraý» klýby paravoleıboldan Azııa chempıonatynda jeńimpaz atanǵanyn jazǵan bolatynbyz.
