Qazaqstannyń eki semserlesýshisi Azııa oıyndarynda shırek fınalǵa shyqty
ASTANA. KAZINFORM — Qazaqstan quramasynyń semserlesýshileri Irına Bakaldına men Vladıslava Andreeva Japonııada ótip jatqan 2026 jylǵy Azııa oıyndarynda shpagamen aıqasýdan jekeleı saıystyń shırek fınalyna shyqty. 1/8 fınalda qos sportshy da qarsylastaryn jeńip, úzdik segizdikke endi. Bul týraly UOK málim etti.
Qazaqstan quramasynyń semserlesýshileri Irına Bakaldına men Vladıslava Andreeva Aıchı jáne Nagoıada (Japonııa) ótip jatqan 2026 jylǵy Azııa oıyndarynda shpagamen aıqasýdan jekeleı saıysta shırek fınalǵa joldama aldy.
1/8 fınalda Bakaldına Iordanııa ókili Dına Mansıdi 15:7 esebimen senimdi túrde jeńdi. Al Andreeva Ońtústik Koreıa sportshysy Lım Tehıden 15:13 esebimen basym tústi. Osylaısha, Qazaqstannyń eki shpagashysy da úzdik segiz sportshynyń qataryna endi.
Buǵan deıin Erkinǵalı Búrkitalın Azıada chempıony atanǵanyn jazdyq.
