Qazaqstannyń eki oblysynda ózenderdegi sý deńgeıi kóterilýi múmkin
ASTANA. KAZINFORM — Sınoptıkter Abaı jáne Shyǵys Qazaqstan oblystarynyń taýly aýdandarynda jaýyn-shashyn saldarynan ózenderdegi sý deńgeıi kóterilýi múmkin ekenin eskertti.
8 shildede Qazaqstannyń ońtústigi men batysynda aptap ystyq saqtalady. Al shyǵys jáne soltústik óńirlerde nóser jańbyr jaýyp, naızaǵaı oınap, burshaq túsip, ekpindi jel soǵady.
Abaı jáne Shyǵys Qazaqstan oblystarynyń taýly aýdandarynda jaýyn-shashyn mol túsip, ózenderdegi sý deńgeıi kóterilýi múmkin.
Astanada kún bultty, jańbyr jaýyp, naızaǵaı oınaıdy. Jeldiń jyldamdyǵy — 9-14 m/s, ekpini 15-18 m/s-qa deıin jetedi. Aýa temperatýrasy túnde +17…+19°C, kúndiz +30…+32°C.
Almatyda kún bultty, jańbyr jaýyp, naızaǵaı oınaıdy. Jeldiń jyldamdyǵy — 3-8 m/s, ekpini 15 m/s-qa deıin kúsheıedi. Aýa temperatýrasy túnde +19…+21°C, kúndiz +31…+33°C.
Shymkentte kún ala bultty, jaýyn-shashyn kútilmeıdi. Jeldiń jyldamdyǵy — 8-13 m/s, ekpini 15–20 m/s-qa deıin jetedi. Aýa temperatýrasy túnde +20…+22°C, kúndiz +36…+38°C bolady.
