Qazaqstannyń eki komandasy short-trekten álem chempıonatynyń jartylaı fınalyna ótti

ASTANA. KAZINFORM – Short-trekten Qazaqstan erler jáne áıelder quramasy Qytaıdyń Beıjiń qalasynda ótip jatqan álem chempıonatynyń shırek fınalynda sátti óner kórsetti. Bul týraly Ulttyq olımpıadalyq komıtet habarlady.

Áıelder estafetasynda qazaqstandyq sportshylar Polsha quramasynyń qulaýy men Italııa komandasynyń jarystan shettetilgenine baılanysty shırek fınaldy birinshi orynmen aıaqtady.

Sondaı-aq jartylaı fınalǵa erler quramasy da ótti. Óziniń jarys jolynda Qazaqstan quramasy Kanadadan keıin ekinshi oryn aldy.

Aralas estafeta saıysynda qazaqstandyq short-trekshiler jarystan shettetildi.

Aıta keteıik, buǵan deıin 1500 metr qashyqtyqtaǵy jarystyń jartylaı fınalyna Ádil Ǵalıahmetov pen Olga Tıhonova shyqqan bolatyn.

Short-trekten álem chempıonatynda Ádil Ǵalıahmetov jartylaı fınalǵa shyqqanyn jazǵan bolatynbyz.