Qazaqstannyń eki gımnasty Azııa chempıonatynyń fınalyna joldama aldy
ASTANA. KAZINFORM — Qytaıdyń Tszýnı qalasynda sporttyq gımnastıkadan Azııa chempıonatynyń fınalısteri anyqtaldy, dep habarlaıdy UOK baspasóz qyzmeti.
Týrnırdiń sheshýshi kezeńine Qazaqstan quramasynyń eki ókili ótti.
Dmıtrıı Patanın erkin jattyǵýlar baǵdarlamasynda irikteý kezeńin tórtinshi orynmen aıaqtap, fınalǵa shyqty.
Sondaı-aq Dııas Toıshybek te fınalǵa joldama aldy. Kermedegi jattyǵýlarda ol irikteý jarysyn altynshy orynmen aıaqtady.
Aıta keteıik, komandalyq kópsaıysta Qazaqstan quramasy 240,660 upaı jınap, tórtinshi orynǵa turaqtady. Birinshi oryndy 254,194 upaımen Qytaı ıelendi. Japonııa 248,795 upaımen ekinshi oryn alsa, Ońtústik Koreıa 242,561 upaımen úzdik úshtikti túıindedi.
Azııa chempıonatynyń fınaldyq jarystary 20 jáne 21 maýsym kúnderi ótedi.
Buǵan deıin sporttyq gımnastıkadan Azııa chempıonatynda Qazaqstan namysyn kimder qorǵaıtynyn jazǵanbyz.
