Qazaqstan dzıýdo quramasy Asian Open týrnırinde segiz medal jeńip aldy
ASTANA. KAZINFORM — Qazaqstandyq dzıýdoshylar Taıbeıde ótken Asian Open týrnırin segiz medalmen aıaqtady.
Jarysta Mádı Jetkergen (73 kelige deıin) men Sanjar Jabbarov (+100 keli) chempıon atandy.
Kúmis júldeni Meıirbek Baızaqov (66 kelige deıin) pen Aıshabıbi Muradımova (52 kelige deıin) jeńip aldy.
Al qola júldegerler qatarynda Asylhan Zınýllın (60 kelige deıin), Nursultan Zaızaǵalıev (66 kelige deıin), Mádı Edilbaev (+100 keli) jáne Aıana Dúısenbaı (48 kelige deıin) bar.
Komandalyq esepte Qazaqstan quramasy úshinshi orynǵa turaqtady. Birinshi oryndy Ońtústik Koreıa quramasy ıelendi (7 altyn, 5 kúmis, 10 qola). Ekinshi oryn Japonııaǵa buıyrdy (4 altyn, 1 kúmis, 2 qola).
Eske salaıyq, buǵan deıin qazaqstandyq quzǵa órmeleýshiler Álem kýbogynyń kezeńinde qalaı óner kórsetkenin jazǵanbyz.
