Qazaqstannyń damý josparlarynda BUU-nyń ornyqty damý maqsattary qamtylǵan

ASTANA. KAZINFORM — QR Premer-mınıstriniń orynbasary Serik Jumanǵarın men Reseı Prezıdentiniń arnaýly ókili Borıs Tıtov BUU-nyń Ornyqty damý maqsattaryn júzege asyrý, ekijaqty tájirıbe almasý jáne 2030 jyldan keıingi halyqaralyq kún tártibin talqylady. Bul týraly Úkimettiń baspasóz qyzmeti málim etti. 

Qazaqstannyń damý josparlarynda BUU-nyń ornyqty damý maqsattary qamtylǵan
Foto: Úkimet

Kezdesý barysynda taraptar ODM-ǵa qol jetkizý máseleleri boıynsha pikir almasyp, ózara tájirıbemen bólisti. Sondaı-aq, kezdesý barysynda 2030 jyldan keıingi kezeńge arnalǵan halyqaralyq kún tártibiniń ózekti baǵyttaryn qarastyrdy.

Serik Jumanǵarın Ornyqty damý maqsattary Qazaqstannyń memlekettik josparlaý júıesinde tolyqtaı qamtylǵanyn atap ótti. Onyń ındıkatorlary Ulttyq damý josparynda, sondaı-aq ortalyq memlekettik organdar men óńirlerdiń damý josparlarynda kórinis tapqan. Bul jahandyq maqsattardy eldiń ulttyq basymdyqtarymen ushtastyrýǵa múmkindik beredi.

Kezdesý qorytyndysy boıynsha taraptar ODM-ny júzege asyrý jónindegi dıalogty odan ári jalǵastyrýǵa múddeli ekenin rastady.