Qazaqstannyń bıýdjeti jospardan asyp tústi: 6,4 trln teńge
ASTANA. KAZINFORM — Qazaqstannyń memlekettik bıýdjetiniń kiristeri josparly kórsetkishten asyp tústi. 17%-ǵa jýyq ósim baıqaldy. Bul týraly Úkimet málim etti.
— 2026 jylǵy I toqsannyń qorytyndysy boıynsha memlekettik bıýdjet kiristeri 104,4%-ǵa oryndaldy. josparlanǵan 6,2 trln ornyna 6,4 trln teńge tústi; jospar 268,7 mlrd teńgege asyra oryndaldy. 2025 jylmen salystyrǵanda ósim 930,6 mlrd teńgeni (+16,9%) qurady Respýblıkalyq jáne jergilikti bıýdjetter josparly kórsetkishterdi asyra oryndady, — delingen habarlamada.
Jedel derekter boıynsha 2026 jylǵy 1 toqsandaǵy memlekettik bıýdjettiń kiristeri boıynsha atqarylýy (transfertterdi eseptemegende) 104,4%. Jospardaǵy 6 176,2 mlrd teńgeniń ornyna bıýdjetke 6 444,9 mlrd teńge túsken. Asyra oryndaý — 268,7 mlrd teńge.
2026 jyldyń alǵashqy eki aıynda da bıýdjet kiristeri jospardan asqanyn jazǵan edik.
