Qazaqstannyń búkil áýejaılarynda qaýipsizdik kúsheıtiledi

ASTANA. KAZINFORM — Qazaqstan áýejaılarynda avıatsııalyq qaýipsizdik sharalary kúsheıtiledi. Bul jaıynda Azamattyq avıatsııa komıtetinen málim boldy. 

1 mamyrdan bastap elimizdiń búkil áýejaılarynda avıatsııalyq qaýipsizdikti kúsheıtý boıynsha vokzal mańyndaǵy alańdarda, parkıngterde jáne jolaýshylar termınaldarynda qosymsha sharalar engizilip jatyr. 

Jolaýshylar termınalyna kireberistegi birinshi tekserý jelisi tyıym salynǵan zattardyń tasymaldanýyna jol bermeý úshin engiziledi.

Avıatsııalyq qaýipsizdik sharalary profılaktıkany júzege asyrý jáne azamattyq avıatsııanyń áýe kóligi ınfraqurylymynyń avıatsııalyq qaýipsizdik jaǵdaıyn baǵalaýǵa baılanysty kúsheıtilip otyr.

Aldyn alý sharalary zańsyz aralasý aktilerin boldyrmaý úshin áýejaılardyń paıdalaný qyzmetteriniń memlekettik organdarmen ózara is-qımylyn jáne qaýipsizdik deńgeıin anyqtaý maqsatynda jyl saıyn josparly túrde júrgiziledi.

Osyǵan baılanysty jolaýshylar tekserý jáne tirkeý rásiminen ótý úshin áýejaılarǵa aldyn ala kelýi kerek.