Qazaqstannyń birneshe óńirinde jáne elordada úsik júredi

ASTANA. KAZINFORM – «Qazgıdromet» RMK-sy sáýirdiń 28-i kúngi kún raıy jónindegi boljamyn jarııalady.

Soltústik Qazaqstan oblysynda jańbyr jaýyp, naızaǵaı oınaıdy. Túnde jáne tańerteń oblystyń ońtústigi men shyǵysynda tuman túsýi yqtımal. Jel ońtústik-shyǵystan, ońtústikten soǵyp, kúndiz ekpini sekýndyna 15–20 metrge jetedi. Túnde oblystyń soltústigi men shyǵysynda aýa temperatýrasy bir gradýsqa deıin tómendep, úsik júrýi múmkin. Petropavl qalasynda da 28 sáýirde jeldiń jyldamdyǵy kúndiz 15–20 m/s bolady.

Túrkistan oblysynda soltústik-shyǵys jeli sekýndyna 15–20 metrge deıin kúsheıedi. Shymkent pen Túrkistan qalalarynda da osy kúni jeldiń ekpini 15–20 m/s bolady.

Qostanaı oblysynda ótkinshi jańbyr jaýyp, naızaǵaı oınaıdy. Túnde jáne tańerteń oblystyń shyǵysy men ońtústiginde tuman túsedi. Jel ońtústik-shyǵystan soǵyp, batysy men soltústiginde ekpini 15–20 m/s-qa jetedi. Túnde keı jerlerde aýa temperatýrasy bir gradýsqa deıin tómendep, úsik bolýy múmkin. Qostanaı qalasynda 28 sáýirde kúndiz jańbyr jaýyp, naızaǵaı bolady.

Qaraǵandy oblysynda tuman túsedi. Jel shyǵys jáne soltústik-shyǵys baǵyttan soǵyp, tańerteń jáne kúndiz oblystyń shyǵysy men ońtústiginde ekpini 15–20 m/s-qa deıin kúsheıedi. Túnde soltústik pen shyǵysta aýa temperatýrasy eki gradýsqa deıin tómendep, úsik júrýi yqtımal.

Aqmola oblysynda da tuman túsedi. Túnde oblystyń soltústigi, ońtústigi jáne shyǵysynda úsh gradýsqa deıin úsik júrýi múmkin. Astana qalasynda 28 sáýirge qaraǵan túni aýa temperatýrasy eki gradýsqa deıin tómendeıdi.

Batys Qazaqstan oblysynda jańbyr jaýyp, naızaǵaı oınaıdy. Túnde jáne tańerteń oblystyń batysy, soltústigi jáne shyǵysynda tuman túsedi. Jel ońtústik-batystan soǵyp, kúndiz ekpini 15–20 m/s-qa jetedi. Oral qalasynda da túnde jańbyr jaýyp, naızaǵaı oınaıdy, tańerteń tuman bolady.

Shyǵys Qazaqstan oblysynda 27–28 sáýir kúnderi jaýyn-shashynǵa baılanysty ózenderdegi sý deńgeıi kóterilýi múmkin. 28 sáýirge qaraǵan túni oblystyń shyǵysynda jańbyr men qar aralas jaýyn kútiledi, kúndiz ońtústigi, shyǵysy jáne ortalyǵynda jańbyr, naızaǵaı jáne burshaq bolýy yqtımal. Túnde jáne tańerteń soltústik pen shyǵysta tuman túsedi. Jel soltústikten soǵyp, keı jerlerde ekpini 15–23 m/s-qa deıin kúsheıedi. Ońtústik-shyǵysynda órt qaýpi joǵary. Óskemen qalasynda kúndiz jeldiń ekpini 15–18 m/s bolady.

Almaty oblysynda jańbyr jaýyp, naızaǵaı oınaıd. Jel soltústik-batystan soltústik-shyǵysqa aýysyp, oblystyń soltústigi, shyǵysy jáne taýly aýdandarynda ekpini 15–20 m/s-qa jetedi.

Almaty qalasynda 28 sáýirde tańerteń jáne kúndiz jańbyr jaýyp, naızaǵaı oınaıd. Іle Alataýynyń taýly aımaqtarynda da osyndaı aýa raıy saqtalady. Jeldiń ekpini 15–20 m/s.

Jetisý oblysynda jańbyr jaýyp, naızaǵaı oınaıdy. 28 sáýirde oblystyń shyǵysy men ońtústiginde tótenshe órt qaýpi saqtalady.

Mańǵystaý oblysynda jańbyr jaýyp, naızaǵaı oınaıdy. Kúndiz oblys ortalyǵynda shańdy daýyl turýy múmkin. Jel soltústikten soǵyp, ekpini 15–20 m/s-qa jetedi. Aqtaý qalasynda túnde jeldiń ekpini 16 m/s bolady.

Pavlodar oblysynda tuman túsedi. Túnde oblystyń soltústigi men shyǵysynda úsh gradýsqa deıin úsik bolýy múmkin. Soltústiginde órt qaýpi joǵary. Pavlodar qalasynda túnde jáne tańerteń tuman túsip, aýa temperatýrasy eki gradýsqa deıin tómendeıdi.

Aqtóbe oblysynda ótkinshi jańbyr jaýyp, naızaǵaı bolady. Jel ońtústikten soǵyp, batysqa aýysady, keı jerlerde ekpini 15 m/s. Oblystyń ońtústik-shyǵysynda órt qaýpi joǵary. Aqtóbe qalasynda 28 sáýirde kúndiz jańbyr jaýyp, naızaǵaı oınaıdy.

Qyzylorda oblysynda shańdy daýyl bolady. Jel soltústik-shyǵys jáne shyǵys baǵyttan soǵyp, kúndiz ekpini 15–20 m/s-qa jetedi. Qyzylorda qalasynda jeldiń ekpini kúndiz 15 m/s bolady.

Atyraý oblysynda jel ońtústik-batystan soǵyp, soltústik-batysqa aýysady. Túnde oblystyń soltústiginde ekpini 15–20 m/s-qa jetedi.

Abaı oblysynda jańbyr jaýyp, naızaǵaı oınaıd. Jel soltústik jáne soltústik-shyǵys baǵyttan soǵyp, keı jerlerde ekpini 15–23 m/s-qa deıin kúsheıedi. Túnde oblystyń batysy men soltústiginde topyraq betinde bir gradýsqa deıin úsik bolýy múmkin. Ortalyq bóliginde órt qaýpi joǵary. Semeı qalasynda kúndiz jeldiń ekpini 15–18 m/s bolady.

Jambyl oblysynda jańbyr jaýyp, naızaǵaı oınaıdy. Túnde jáne tańerteń taýly aýdandarda tuman túsedi. Jel soltústik-shyǵystan soǵyp, keı jerlerde ekpini 15–23 m/s-qa deıin jetedi.

Osyǵan deıin Pavlodar oblysynda daýyldan eki áıel zardap shekkeni týraly jazdyq.