Qazaqstannyń birneshe óńirinde respýblıkalyq mańyzy bar joldar jabyldy
ASTANA. KAZINFORM – Aýa raıynyń qolaısyzdyǵyna baılanysty Qazaqstannyń birqatar óńirinde respýblıkalyq mańyzy bar avtojoldardyń jekelegen ýchaskelerinde qozǵalys ýaqytsha shekteldi. Bul týraly «QazAvtoJol» ulttyq kompanııasy habarlady.
Atyraý oblysynda
«Atyraý – Oral» avtojolynyń 14-179 shaqyrym aralyǵy (Almaly eldi mekeni – Inder kenti) jabyldy.
Joldy ashýdyń boljamdy ýaqyty – 16 qańtar saǵat 08:00.
Aqtóbe oblysynda
«RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 776-836 shaqyrym aralyǵy (AZS «EKO oıl» – Hromtaý qalasy) boıynsha qozǵalys toqtatyldy.
Joldy ashýdyń boljamdy ýaqyty – 16 qańtar saǵat 09:00.
Jambyl oblysynda
Respýblıkalyq mańyzy bar «Merki – Shý – Býrylbaıtal» avtojolynyń 160-268 shaqyrym aralyǵy (Birlik aýyly – Býrylbaıtal aýyly) jabyldy.
Joldy ashýdyń boljamdy ýaqyty – 16 qańtar saǵat 09:00.
«QazAvtoJol» júrgizýshilerdi alys saparǵa shyqpas buryn jol jaǵdaıyn naqtylap alýǵa jáne qaýipsizdik talaptaryn qatań saqtaýǵa shaqyrdy.
Buǵan deıin búgin Qazaqstannyń qaı óńirlerinde oqýshylar sabaqty qashyqtan oqıtyny habarlandy.