Qazaqstannyń birneshe óńirinde qar aralas jańbyr jaýyp, úsik júredi
ASTANA. KAZINFORM — 2 qazanda Qazaqstannyń birqatar óńirinde jańbyr aralas qar jaýyp, naızaǵaı oınaıdy. Keı jerlerde jeldiń ekpini sekýndyna 30 metrden asyp, aýa temperatýrasy túnde −5 gradýsqa deıin tómendeıdi. Osyǵan baılanysty elimizdiń birneshe oblysynda daýyldy eskertý jarııalandy.
Túrkistan oblysynda túnde soltústiginde, taýly jáne taý bókterindegi aýdandarda jańbyr jaýyp, naızaǵaı oınaıdy, tuman túsedi. Ońtústik-batystan soǵatyn jeldiń, al soltústigi men taýly aýdandarynda jel ekpininiń jyldamdyǵy sekýndyna 15–20 metrge jetedi. Oblysta tótenshe órt qaýpi saqtalady.
Shymkent qalasynda túnde jańbyr jaýyp, naızaǵaı oınaıdy. Shymkent pen Túrkistan qalalarynda tótenshe órt qaýpi saqtalady.
Qyzylorda oblysynda kúndiz soltústigi men batysynda azdaǵan jańbyr jaýyp, naızaǵaı oınaıdy. Ońtústik-batystan soǵatyn jeldiń ekpini sekýndyna 15–20 metrge jetedi. Oblys ortalyǵynda joǵary, al jalpy óńirde tótenshe órt qaýpi saqtalady.
Qyzylorda qalasynda tótenshe órt qaýpi saqtalady.
Jambyl oblysynda túnde jáne tańerteń ońtústiginde, shyǵysynda jáne taýly aýdandarynda qatty jańbyr jaýyp, naızaǵaı oınaıdy, tuman túsedi. Ońtústik-batystan soǵatyn jeldiń jyldamdyǵy sekýndyna 15–20 metr bolady. Oblysta tótenshe órt qaýpi saqtalady.
Taraz qalasynda túnde jańbyr jaýyp, naızaǵaı oınaıdy. Qalada tótenshe órt qaýpi saqtalady.
Soltústik Qazaqstan oblysynda batysynda, soltústiginde jáne ońtústiginde jańbyr jaýady. Kúndiz naızaǵaı oınaıdy. Túnde jáne tańerteń tuman túsedi. Ońtústik-shyǵystan soǵatyn jel birtindep ońtústik-batysqa aýysyp, ekpini sekýndyna 15–20 metrge jetedi.
Petropavl qalasynda túnde jáne tańerteń tuman túsedi.
Batys Qazaqstan oblysynyń ońtústigi men shyǵysynda joǵary órt qaýpi saqtalady.
Pavlodar oblysynda túnde jáne tańerteń shyǵysynda tuman túsedi. Ońtústik-batystan soǵatyn jel kúndiz oblystyń ońtústiginde sekýndyna 15–20 metrge deıin kúsheıedi. Óńirde joǵary, al soltústigi men ońtústiginde tótenshe órt qaýpi saqtalady.
Aqmola oblysynda ońtústik-shyǵystan soǵatyn jel birtindep ońtústik-batysqa aýysyp, ekpini sekýndyna 15–20 metrge jetedi. Shyǵysy men ortalyǵynda joǵary, al soltústigi men ońtústiginde tótenshe órt qaýpi saqtalady.
Kókshetaý qalasynda tótenshe órt qaýpi saqtalady.
Abaı oblysynyń batysynda, soltústiginde jáne ońtústiginde jańbyr jaýyp, kúndiz naızaǵaı oınaıdy. Túnde jáne tańerteń ortalyǵynda tuman túsedi. Ońtústikten, ońtústik-batystan soǵatyn jeldiń jyldamdyǵy sekýndyna 15–20 metr bolady.
Oblystyń soltústigi men ortalyǵynda joǵary, soltústik-batysynda, ońtústiginde jáne shyǵysynda tótenshe órt qaýpi saqtalady.
Semeı qalasynda joǵary órt qaýpi saqtalady.
Shyǵys Qazaqstan oblysynda túnde jáne tańerteń soltústiginde tuman túsedi. Ońtústik-shyǵystan soǵatyn jel kúndiz soltústiginde sekýndyna 15–20 metrge deıin kúsheıedi. Oblystyń shyǵysy men ortalyǵynda joǵary, al batysynda, ońtústiginde jáne ońtústik-shyǵysynda tótenshe órt qaýpi saqtalady.
Jetisý oblysynda jańbyr jaýyp, naızaǵaı oınaıdy. Taýly aýdandarda qatty jaýyn-shashyn (jańbyr, qar) kútiledi. Ońtústik-batystan soǵatyn jel oblystyń shyǵysy men taýly aýdandarynda sekýndyna 15–20 metrge deıin kúsheıedi. Óńirde tótenshe órt qaýpi saqtalady.
Taldyqorǵan qalasynda da tótenshe órt qaýpi saqtalady.
Aıta keteıik, buǵan deıin «Qazgıdromet» 2026 jylǵy qazan aıyna arnalǵan naqtylanǵan konsýltatıvtik aýa raıy boljamyn jarııalaǵan bolatyn. Boljamǵa sáıkes, Qazaqstanda aýa temperatýrasy −10 gradýsqa deıin tómendep, qar jaýýy múmkin. Sonymen qatar keı kezeńderde kún raıy qaıta jylynyp, aýa temperatýrasy +30 gradýsqa deıin kóteriledi.
