Qazaqstannyń birqatar óńirinde jańbyr, naızaǵaı jáne qatty jel bolady - Qazgıdromet
ASTANA. KAZINFORM -13 qyrkúıekte Astana, Almaty, Shymkent qalalary men Qazaqstannyń birqatar oblysynda kún raıyna baılanysty eskertý jarııalandy. Keı óńirlerde qatty jańbyr, naızaǵaı, burshaq, tuman bolady, jel kúsheıedi, dep habarlaıdy Qazgıdromet.
Astanada keı ýaqytta jańbyr jaýyp, naızaǵaı bolady. Kúndiz jeldiń ekpini 15–20 m/s-qa jetedi. Órt qaýpi joǵary.
Almatyda órt qaýpi joǵary. Іle Alataýy taýlarynda kúndiz ótkinshi jańbyr jaýyp, naızaǵaı bolady. Jeldiń ekpini 15–20 m/s-qa jetedi.
Shymkentte tótenshe órt qaýpi saqtalady.
Abaı oblysynda batys jáne soltústik aýdandarda jańbyr jaýyp, naızaǵaı bolady. Kúndiz jeldiń ekpini 15–20 m/s-qa jetedi. Oblysta órt qaýpi joǵary, ońtústiginde tótenshe deńgeıde saqtalady. Semeıde órt qaýpi joǵary deńgeıde.
Aqmola oblysynda túnde batys, soltústik jáne ońtústik aýdandarda jańbyr jaýyp, naızaǵaı bolady. Batys jáne soltústikte qatty jańbyr jaýyp, burshaq túsedi. Kúndiz de naızaǵaımen jańbyr jaýady, batys pen soltústikte qatty jańbyr jaýyp, burshaq túsedi. Túnde jáne tańerteń batys, soltústik jáne ońtústik aýdandarda tuman bolady. Jeldiń ekpini 15–20 m/s-qa jetedi, soltústik, ońtústik jáne shyǵysta keı ýaqytta 23–28 m/s-qa deıin kúsheıedi. Ońtústik, soltústik, shyǵys jáne ortalyq aýdandarda órt qaýpi joǵary deńgeıde saqtalady.
Kókshetaýda jańbyr jaýyp, kúndiz keı ýaqytta qatty jańbyr jáne naızaǵaı bolady. Jeldiń ekpini 15–20 m/s, kúndiz keı ýaqytta 23 m/s-qa deıin jetedi. Órt qaýpi joǵary deńgeıde saqtalady.
Aqtóbe oblysynda kúndiz soltústik jáne shyǵys aýdandarda jeldiń ekpini 15–18 m/s bolady. Soltústik-shyǵys jáne soltústik-batysta órt qaýpi joǵary, oblys boıynsha tótenshe deńgeıde saqtalady.
Almaty oblysynda kúndiz ońtústikte azdaǵan jańbyr jaýady. Taýly aýdandarda ótkinshi jańbyr jaýyp, naızaǵaı bolady. Ońtústik, shyǵys jáne taýly aýdandarda jeldiń ekpini 15–20 m/s-qa jetedi. Ortalyq, batys jáne shyǵysta órt qaýpi tótenshe, soltústik pen ońtústikte joǵary deńgeıde saqtalady. Qonaevta tótenshe órt qaýpi saqtalady.
Atyraý oblysynda túnde jáne tańerteń batys, soltústik jáne shyǵys aýdandarda tuman bolady. Shyǵys pen ońtústikte tótenshe órt qaýpi saqtalady. Atyraý qalasynda da tótenshe órt qaýpi saqtalady.
Shyǵys Qazaqstan oblysynda kúndiz soltústik jáne shyǵys aýdandarda jańbyr jaýyp, naızaǵaı bolady. Jeldiń ekpini 15–20 m/s-qa jetedi. Oblysta órt qaýpi joǵary deńgeıde. Óskemende de órt qaýpi joǵary deńgeıde saqtalady.
Jambyl oblysynda kúndiz taýly aýdandarda jańbyr jaýyp, naızaǵaı bolady, sondaı-aq tuman túsýi múmkin. Jeldiń ekpini 15–20 m/s-qa jetedi. Tótenshe órt qaýpi saqtalady. Tarazda da tótenshe órt qaýpi saqtalady.
Jetisý oblysynda kúndiz taýly aýdandarda jańbyr jaýyp, naızaǵaı bolady. Oblystyń shyǵysynda jeldiń ekpini 15–20 m/s-qa jetedi.
Batys Qazaqstan oblysynda túnde jáne tańerteń ońtústik pen shyǵysta tuman bolady.
Qaraǵandy oblysynda batys jáne soltústik aýdandarda jańbyr jaýyp, naızaǵaı bolady. Túnde jáne tańerteń soltústik pen shyǵysta tuman túsedi. Tańerteń jáne kúndiz jeldiń ekpini 15–20 m/s-qa jetedi, soltústikte keı ýaqytta 23 m/s-qa deıin kúsheıedi. Órt qaýpi joǵary, batysta tótenshe deńgeıde saqtalady. Qaraǵandyda kúndiz jeldiń ekpini 15–20 m/s bolady, órt qaýpi joǵary deńgeıde saqtalady.
Qostanaı oblysynda batys, soltústik jáne shyǵys aýdandarda jańbyr jaýyp, naızaǵaı bolady, burshaq túsedi. Soltústikte keı ýaqytta qatty jańbyr jaýady. Túnde jáne tańerteń batys pen soltústikte tuman túsedi. Jeldiń ekpini 15–20 m/s-qa jetedi, kúndiz soltústik jáne shyǵysta keı ýaqytta 23 m/s-qa deıin kúsheıedi. Shyǵys jáne ońtústik-shyǵysta órt qaýpi joǵary deńgeıde saqtalady.
Qostanaıda jańbyr jaýyp, naızaǵaı bolady, túnde jáne tańerteń tuman túsedi. Kúndiz jeldiń ekpini 15–20 m/s-qa jetedi.
Qyzylorda oblysynda oblys boıynsha jáne Qyzylorda qalasynda tótenshe órt qaýpi saqtalady.
Mańǵystaý oblysynda túnde jáne tańerteń batys pen soltústikte tuman túsedi. Soltústik jáne ortalyq aýdandarda órt qaýpi joǵary, soltústik-shyǵysta tótenshe deńgeıde saqtalady. Aqtaýda túnde jáne tańerteń tuman bolady.
Pavlodar oblysynda batys, soltústik jáne shyǵys aýdandarda azdaǵan jańbyr jaýyp, naızaǵaı bolady. Kúndiz jeldiń ekpini 15–20 m/s-qa jetedi, ońtústikte keı ýaqytta 23 m/s-qa deıin kúsheıedi. Oblysta órt qaýpi joǵary deńgeıde saqtalady. Pavlodarda kúndiz jeldiń ekpini 15–20 m/s bolady, órt qaýpi joǵary deńgeıde saqtalady.
Soltústik Qazaqstan oblysynda túnde batys, soltústik jáne ońtústik aýdandarda jańbyr jaýyp, naızaǵaı bolady. Kúndiz jańbyr jaýyp, naızaǵaı oınap, burshaq túsedi. Batys jáne soltústikte qatty jańbyr jaýady. Túnde jáne tańerteń batys pen soltústikte tuman túsedi. Jeldiń ekpini 15–20 m/s, keı ýaqytta 23–28 m/s bolady. Oblysta órt qaýpi joǵary deńgeıde saqtalady.
Petropavlda jańbyr jaýyp, naızaǵaı bolady, kúndiz burshaq túsedi. Jeldiń ekpini 15–20 m/s, kúndiz 23–28 m/s bolady. Órt qaýpi joǵary deńgeıde saqtalady.
Túrkistan oblysynda oblys boıynsha jáne Túrkistan qalasynda tótenshe órt qaýpi saqtalady.
Ulytaý oblysynda túnde jáne tańerteń batys pen soltústikte jańbyr jaýyp, naızaǵaı bolady. Soltústik jáne shyǵysta tuman túsedi. Jeldiń ekpini 15–20 m/s, kúndiz soltústikte keı ýaqytta 23 m/s-qa deıin kúsheıedi. Tótenshe órt qaýpi saqtalady.
Jezqazǵanda jeldiń ekpini 15–20 m/s bolady. Tótenshe órt qaýpi saqtalady.
Osyǵan deıin habarlaǵanymyzdaı, Shyǵys Qazaqstan ormandarynda bıyl 70-ten astam órt shyqqan.
