Qazaqstannyń birqatar óńirinde naızaǵaı oınap, burshaq jaýady

ASTANA. KAZINFORM – 9 shildede Qazaqstannyń birneshe óńirinde qolaısyz aýa raıy boljanýda, dep habarlaıdy «Qazgıdromet» RMK.

Atmosferalyq frontaldy bólimderdiń áserinen respýblıkanyń soltústiginde, ońtústiginde, ońtústik-shyǵysynda jáne ortalyǵynda aýa raıy turaqsyz bolady. Naızaǵaı oınap, jańbyr jaýady, soltústikte nóser jańbyr, kúndiz keı jerlerde burshaq kútiledi.

Jel kúsheıip, soltústik pen ońtústik-shyǵysta daýyl bolady. Soltústik jáne soltústik-batys aımaqtarda túnde jáne tańerteń tuman túsedi.

Mańǵystaý, Atyraý, Aqtóbe, Batys Qazaqstan, Qaraǵandy, Ulytaý, Aqmola jáne Shyǵys Qazaqstan oblystarynyń jekelegen aýmaqtarynda joǵary órt qaýpi bar.

Jambyl, Qyzylorda, Túrkistan, Jetisý, Abaı jáne Qostanaı oblystarynyń keı jerlerinde tótenshe órt qaýpi saqtalady.

Kúndiz Batys Qazaqstan, Almaty, Jetisý, Aqtóbe, Atyraý jáne Mańǵystaý oblystarynda 35-38 gradýsqa deıin aptap ystyq bolady.