Qazaqstannyń birqatar óńirinde naızaǵaı oınap, burshaq jaýady

ASTANA. KAZINFORM – 31 shildede Qazaqstan aýmaǵynda qaýipti meteorologııalyq qubylystar boljanyp otyr, dep habarlaıdy «Qazgıdromet» RMK.

Soltústik-batys tsıklony men oǵan qatysty atmosferalyq frontaldy bólikterdiń áserinen elimizdiń basym bóliginde jańbyr jaýady, naızaǵaı oınaıdy. Soltústik, soltústik-batys jáne ortalyq óńirlerde qatty jańbyr kútiledi.

Soltústik, soltústik-batys pen shyǵysta burshaq jaýýy múmkin.

Jeldiń kúsheıýi respýblıkanyń barlyq óńirlerinde baıqalady. Kúndiz ońtústik jáne ońtústik-batys oblystarda shańdy daýyl turýy yqtımal. Soltústik óńirlerde túngi jáne tańǵy ýaqyttarda tuman túsedi.

Kúndiz Atyraý oblysynda, Batys Qazaqstan oblysynyń batysy men ońtústiginde, sondaı-aq Abaı jáne Shyǵys Qazaqstan oblystarynyń ońtústiginde aýa temperatýrasy +35°S-qa deıin kóteriledi.

Abaı oblysynda, Shyǵys Qazaqstan oblysynyń shyǵysynda, Qostanaı men Pavlodar oblystarynyń batysynda, Batys Qazaqstan oblysynyń batysy men ońtústiginde, Qaraǵandy men Atyraý oblystarynyń jekelegen aýmaqtarynda, Mańǵystaý oblysynyń ońtústik-shyǵysynda joǵary órt qaýpi saqtalady.

Sonymen qatar Qyzylorda, Túrkistan, Almaty, Jetisý oblystarynda, Jambyl oblysynyń soltústik, batys jáne shyǵys bólikterinde, sondaı-aq Aqtóbe, Ulytaý, Qostanaı, Qaraǵandy, Atyraý, Mańǵystaý, Abaı jáne Shyǵys Qazaqstan oblystarynyń birqatar aýmaqtarynda tótenshe órt qaýpi saqtalady.

Aıta keteıik, Japonııa tarıhyndaǵy eń joǵary aýa temperatýrasy tirkeldi.