Qazaqstannyń birqatar óńirinde qatty jańbyr jaýyp, daýyl soǵady
ASTANA. KAZINFORM — «Qazgıdromet» RMK 25 maýsym kúni elimizdiń basym bóliginiń turǵyndaryna aýa raıyna baılanysty eskertý jarııalady.
Astanada 25 maýsym kúni tańerteń jáne kúndiz jańbyr jaýyp, naızaǵaı oınaıdy, burshaq túsip, daýyl soǵady. Batystan jáne ońtústik-batystan soǵatyn jeldiń ekpini kúndiz 15-20 m/s-qa jetedi. Órt qaýpi joǵary deńgeıde saqtalady.
Aqmola oblysynyń batysynda, soltústiginde jáne shyǵysynda jańbyr, naızaǵaı kútiledi. Kúndiz burshaq jaýyp, daýyl soǵady, oblystyń soltústigi men shyǵysynda qatty jańbyr bolýy múmkin. Jeldiń ekpini keı jerlerde 23-28 m/s-qa deıin kúsheıedi. Oblystyń shyǵysy men ortalyǵynda tótenshe órt qaýpi saqtalady.
Ulytaý oblysynyń soltústigi men shyǵysynda jańbyr, naızaǵaı, kúndiz burshaq pen daýyl kútiledi. Óńirdiń ońtústigi men shyǵysynda tótenshe órt qaýpi saqtalady.
Qaraǵandy oblysynyń batysynda, soltústiginde jáne shyǵysynda jańbyr jaýyp, naızaǵaı oınaıdy. Keı jerlerde burshaq túsip, daýyl soǵady. Shyǵysynda qatty jańbyr kútiledi. Jeldiń ekpini 23 m/s-qa deıin jetýi múmkin. Birqatar aýdanda tótenshe órt qaýpi saqtalady.
Jetisý oblysynyń shyǵysy men taýly aýdandarynda ótkinshi jańbyr men naızaǵaı bolady. Alakól mańynda jeldiń ekpini 15-20 m/s. Kúndiz aýa temperatýrasy 35 gradýsqa deıin kóteriledi. Óńirdiń birqatar bóliginde tótenshe órt qaýpi saqtalady.
Batys Qazaqstan oblysynyń batysynda jańbyr jaýyp, naızaǵaı oınaıdy. Jeldiń ekpini 15-20 m/s-qa jetedi. Oblystyń ońtústigi men ońtústik-shyǵysynda joǵary órt qaýpi saqtalady.
Almaty oblysynyń ońtústigi men taýly aýdandarynda ótkinshi jańbyr men naızaǵaı kútiledi. Jeldiń ekpini 15-20 m/s bolady. Kúndiz aptap ystyq 35-38 gradýsqa deıin jetedi. Soltústiginde tótenshe órt qaýpi saqtalady.
Pavlodar oblysynyń batysy men ońtústiginde jańbyr, naızaǵaı kútiledi. Kúndiz oblystyń batysy men soltústiginde burshaq túsip, daýyl soǵýy múmkin. Soltústik pen shyǵysta tótenshe órt qaýpi saqtalady.
Shyǵys Qazaqstan oblysynyń batysynda, soltústiginde jáne shyǵysynda qatty jańbyr jaýyp, burshaq pen daýyl bolýy múmkin. Jeldiń ekpini keı jerlerde 23-28 m/s-qa deıin kúsheıedi. Óńirdiń birqatar bóliginde tótenshe órt qaýpi saqtalady.
Abaı oblysynda jańbyr, naızaǵaı kútiledi. Kúndiz oblystyń batysynda, soltústiginde jáne ortalyǵynda qatty jańbyr jaýyp, burshaq túsip, daýyl soǵýy yqtımal. Jeldiń ekpini 23-28 m/s-qa deıin jetedi. Ońtústikte aýa temperatýrasy 35 gradýsqa deıin kóteriledi.
Qostanaı oblysynyń batysynda, soltústiginde jáne shyǵysynda jańbyr jaýyp, naızaǵaı oınaıdy. Kúndiz burshaq pen daýyl kútiledi. Túnde jáne tańerteń tuman túsýi múmkin. Ońtústik pen ońtústik-batysta tótenshe órt qaýpi saqtalady.
Atyraý oblysynyń batysynda, ońtústiginde jáne shyǵysynda jańbyr, naızaǵaı jáne burshaq kútiledi. Óńirde joǵary órt qaýpi saqtalady.
Qyzylorda oblysynyń ońtústiginde tótenshe órt qaýpi, ortalyǵynda joǵary órt qaýpi saqtalady.
Soltústik Qazaqstan oblysynyń batysynda, soltústiginde jáne shyǵysynda jańbyr, naızaǵaı, burshaq jáne daýyl kútiledi. Keı jerlerde qatty jańbyr jaýady. Jeldiń ekpini 23-28 m/s-qa deıin jetýi múmkin. Oblystyń ońtústigi men shyǵysynda joǵary órt qaýpi saqtalady.
Aqtóbe oblysynyń soltústiginde, shyǵysynda jáne ońtústiginde jańbyr jaýyp, naızaǵaı oınaıdy, kúndiz burshaq túsýi múmkin. Keı jerlerde tuman kútiledi. Oblystyń ońtústik bóliginde joǵary órt qaýpi saqtalady.
Jambyl oblysynyń taýly aýdandarynda ótkinshi jańbyr men naızaǵaı kútiledi. Jeldiń ekpini 15-20 m/s bolady. Soltústik bóliginde tótenshe órt qaýpi saqtalady.
Mańǵystaý oblysynyń batysynda, soltústiginde jáne ortalyǵynda jańbyr men naızaǵaı kútiledi. Túnde tuman túsýi múmkin. Óńirde joǵary órt qaýpi saqtalady.
Túrkistan oblysynyń taýly aýdandarynda ótkinshi jańbyr jaýyp, naızaǵaı oınaıdy. Jeldiń ekpini 15-20 m/s-qa deıin jetedi. Oblystyń soltústigi men ońtústiginde joǵary órt qaýpi saqtalady.
Budan buryn aldaǵy úsh kúnde el aýmaǵynda tsıklon áserinen aýa raıy turaqsyz bolatynyn jazǵanbyz.
