Qazaqstannyń birqatar óńirinde qarly boran, kóktaıǵaq bolady

ASTANA. KAZINFORM – Sársenbi, 8 qańtarda 14 oblysta, sondaı-aq Astana, Almaty jáne Shymkentte aýa raıyna baılanysty eskertý jarııalandy, dep habarlaıdy «Qazgıdromet» RMK baspasóz qyzmeti.

Astanada túnde keı ýaqytta qalyń qar jaýyp, kúndiz burqasyn kútiledi. Soltústik-batystan soǵatyn jel túnde ońtústik-batysqa burylyp, tańerteń ekpini 15-20 m/s jetedi.

Almatyda túnde keı ýaqytta qalyń qar jaýady, tuman túsip, kóktaıǵaq bolady.

Almaty oblysynyń taý bókterinde jáne taýly aımaqtarynda keı jerlerde qalyń qar jaýady. Soltústikte, ońtústikte, oblystyń taýly aımaqtarynda keı jerlerde tuman túsip, kóktaıǵaq bolady. Jeldiń ekpini — 18-23 m/s.

Kúndiz Abaı oblysynyń soltústigi men ońtústiginde keı jerlerde qalyń qar jaýyp, boran bolady. Oblystyń shyǵysynda tuman kútiledi. Jel ekpini 15-20 m/s, keı ýaqytta 23 m/s jetedi.

Aqmola oblysynyń ońtústigi men shyǵysynda túnde qalyń qar jaýady. Oblystyń soltústigi men shyǵysynda burqasyn bolady. Tuman túsedi. Jeldiń ekpini — 15-20 m/s, túnde keı jerlerde 25 m/s jetedi.

Aqtóbe oblysynyń soltústiginde qar jaýyp, tuman túsedi.

Atyraý oblysynda jeldiń ekpini 15-20 m/s jetedi.

Kúndiz Shyǵys Qazaqstan oblysynyń soltústigi men ońtústiginde keı jerlerde qalyń qar jaýady. Túnde oblystyń batysynda, soltústiginde jáne ońtústiginde burqasyn bolady. Oblystyń shyǵysy men ońtústiginde tuman túsedi. Jeldiń ekpini — 15-20 m/s.

Jambyl oblysynda keı jerlerde tuman túsip, kóktaıǵaq bolady. Jeldiń ekpini 15-20 m/s, túnde jáne tańerteń 25 m/s jetedi.

Shyǵysta, Jetisý oblysynyń taýly aımaqtarynda qalyń qar jaýyp, tuman túsedi, kóktaıǵaq kútiledi. Jel ekpini 15-20 m/s, keı ýaqytta 25 m/s deıin jetedi.

Batys Qazaqstan oblysynda túnde kóktaıǵaq, burqasyn kútiledi. Oblystyń batysynda, soltústiginde jáne shyǵysynda tuman túsedi. Jeldiń ekpini — 15-20 m/s.

Qostanaı oblysynda túnde burqasyn, tuman kútiledi. Jeldiń ekpini — 15-20 m/s.

Qyzylorda oblysynda túnde kóktaıǵaq bolady. Oblystyń soltústigi men shyǵysynda tuman túsedi. Jeldiń ekpini — 15-20 m/s. Aýa temperatýrasy túnde 10-15 aıazǵa deıin kúrt tómendeýi múmkin.

Pavlodar oblysynda qarly boran soǵady. Jeldiń ekpini — 15-20 m/s.

Soltústik Qazaqstan oblysynda túnde qarly boran soǵady. Oblystyń shyǵysynda tuman túsedi. Jeldiń ekpini — 15-20 m/s.

Túrkistan oblysynda aýa temperatýrasy túnde 6-8 gradýs aıazǵa deıin kúrt tómendep, túnde qar jaýady. Jeldiń ekpini — 15-20, keı ýaqytta 23 m/s deıin jetedi.

Shymkentte túnde qar jaýady, túnde jeldiń ekpini — 15-20, keı ýaqytta 23 m/s bolady.

Aıta keteıik, Aýa raıynyń qolaısyzdyǵyna baılanysty Aqmola oblysynda jol jabyldy.

Sonymen qatar Shyǵys Qazaqstan oblysynda 8 qańtarda qar kóshkini túsiriletindikten jol jabylady.