Qazaqstannyń birqatar óńirinde daýyldy eskertý jasaldy

ASTANA. KAZINFORM — «Qazgıdromet» RMK elimizdiń birneshe óńirinde daýyldy eskertý jarııalap, jańbyr quıyp, naızaǵaı oınaıtynyn eskertti.

7 sáýirde túnde Atyraý oblysynyń soltústiginde, shyǵysynda keı ýaqytta qatty jańbyr jaýady. Oblystyń soltústiginde, shyǵysynda naızaǵaı oınaıdy.

Jambyl oblysynyń taýly aýdandarynda qatty jańbyr kútiledi. Oblystyń batysynda, ońtústiginde, shyǵysynda, taýly aýdandarynda naızaǵaı oınap, kúndiz burshaq jaýady. Ońtústik-batystan jel soǵady, oblystyń ońtústik-batysynda, soltústik-shyǵysynda, taýly aýdandarynda 15-20 m/s, ekpini 23-28 m/s jetedi. Taraz qalasynda túnde naızaǵaı kútiledi. Ońtústik-batystan jel soǵady, ekpini 15-20 m/s, keı ýaqytta 23-28 m/s barýy yqtımal.

Mańǵystaý oblysynyń batysynda, soltústiginde tuman túsedi. Aqtaý qalasynda túnde jáne tańerteń tuman basýy múmkin.

Túnde Qyzylorda oblysynyń soltústiginde jańbyr quıady. Túnde jáne tańerteń naızaǵaı oınap, daýyl soǵady. Jel ońtústik-shyǵystan batysqa aýysyp soǵady, túnde oblystyń ortalyǵynda kúshi 15-20 m/s, kúndiz 15-20, oblystyń ortalyǵynda 25 m/s jetedi. Qyzylorda qalasynda túnde jáne tańerteń naızaǵaı oınap, daýyl turýy yqtımal. Jel ońtústik-shyǵystan batysqa aýysyp soǵady, kúshi 15-20, kúndiz ekpini 23 m/s jetedi.

7 sáýirde Batys Qazaqstan oblysynyń soltústiginde, shyǵysynda túnde jańbyr quıady. Oblystyń soltústiginde, shyǵysynda naızaǵaı, burshaq jaýady. Jel ońtústik-batystan, batystan soǵady, oblystyń batysynda, soltústiginde, shyǵysynda ekpini 15-20 m/s jetýi yqtımal. Oral qalasynda túnde naızaǵaı, burshaq jaýady. Jel ońtústik-batystan, batystan soǵady, kúndiz ekpini 18 m/s jetýi múmkin.

Túnde Túrkistan oblysynyń soltústiginde, taýly aýdandarynda jańbyr quıady. Túnde oblys kóleminde naızaǵaı, kúnniń birinshi jartysynda oblystyń soltústiginde naızaǵaı oınaıdy. Ońtústik-shyǵystan ońtústik-batysqa aýysatyn jel soǵady, oblystyń batysynda, soltústiginde, taýly jáne taý bókterli aýdandarynda 15-20, kúndiz ekpini 23-28 m/s jetedi. Shymkent qalasynda túnde naızaǵaı kútiledi. Ońtústik-shyǵystan ońtústik-batysqa aýysatyn jel soǵady, ekpini 15-20, kúndiz keı ýaqytta 23 m/s jetedi. Túrkistan qalasynda túnde naızaǵaı kútiledi. Ońtústik-shyǵystan ońtústik-batysqa aýysatyn jel soǵady, ekpini 15-20, kúndiz keı ýaqytta 23 m/s jetýi múmkin.

Soltústik Qazaqstan oblysynda túnde jáne tańerteń shyǵysynda tuman túsedi. Ońtústikten jel soǵady, kúndiz oblystyń ońtústiginde ekpini 15-20 m/s barady.

Kúndiz Qaraǵandy oblysynyń batysynda, ortalyǵynda keı ýaqytta jańbyr quıyp, naızaǵaı oınaıdy. Túnde jáne tańerteń oblystyń soltústiginde, shyǵysynda tuman túsedi. Ońtústik-shyǵystan jel soǵady, kúndiz oblystyń batysynda, shyǵysynda ekpini 15-20 m/s jetedi.

Túnde Aqtóbe oblysynyń batysynda, ońtústiginde jańbyr quıady, naızaǵaı kútiledi. Ońtústik-shyǵystan soqqan jel batysqa aýysady, oblystyń ońtústiginde ekpini 15-20 m/s jetýi yqtımal.

Kúndiz Ulytaý oblysynyń soltústiginde, shyǵysynda keı ýaqytta jańbyr quıyp, naızaǵaı oınaıdy. Túnde jáne tańerteń oblystyń shyǵysynda tuman túsedi. Ońtústik-shyǵystan soǵatyn jel ońtústik-batysqa aýysady, kúndiz kúshi 15-20 m/s jetedi. Jezqazǵan qalasynda ońtústik-shyǵystan soǵatyn jel ońtústik-batysqa aýysady, kúndiz kúshi 15-20 m/s jetedi dep kútiledi.

Tańerteń jáne kúndiz Qostanaı oblysynyń ońtústiginde, shyǵysynda naızaǵaı oınaıdy. Túnde jáne tańerteń oblystyń batysynda, soltústiginde tuman túsedi. Ońtústikten, ońtústik-shyǵystan jel soǵady, tańerteń jáne kúndiz oblystyń ońtústiginde, shyǵysynda jyldamdyǵy 15-20 m/s deıin barady.

Túnde jáne tańerteń Abaı oblysynyń shyǵysynda, ońtústiginde tuman túsedi.

Túnde jáne tańerteń Shyǵys Qazaqstan oblysynyń soltústiginde, ońtústiginde tuman túsýi yqtımal.

Jetisý oblysynyń taýly aýdandarynda túnde tuman kútiledi. Ońtústik-batystan jel soǵady, oblystyń shyǵysynda, taýly aýdandarynda ekpini 15-20, Alakól kólderi aýdanynda keı ýaqytta jyldamdyǵy 25 m/s deıin jetedi.

Kúndiz Aqmola oblysynyń batysynda, ońtústiginde, shyǵysynda naızaǵaı kútiledi. Ońtústikten, ońtústik-shyǵystan jel soǵady, kúndiz oblystyń ońtústiginde, shyǵysynda ekpini 15-20 m/s jetýi yqtımal.

Túnde jáne tańerteń Pavlodar oblysynyń batysyn, soltústigin, ońtútigin tuman basady.

Osyǵan deıin SQO-da sınoptıkter kóktem men jaz mezgiline arnalǵan aýa raıy boljamyn jasady.