Qazaqstannyń birqatar óńirinde aýa raıyna baılanysty eskertý jasaldy

ASTANA. KAZIFORM – «Qazgıdromet» birqatar óńirde aýa raıyna baılanysty eskertý jarııalady.

Kásiporynnyń boljamyna qaraǵanda, 2 mamyrda Mańǵystaý oblysynyń batysynda, soltústiginde naızaǵaı oınaıdy. Kúndiz oblystyń batysynda, soltústiginde, ortalyǵynda shańdy daýyl turady. Ońtústik shyǵystan jel soǵady, ekpini 17-22 m/s. Oblystyń soltústik-shyǵysynda, shyǵysynda, ortalyǵynda joǵary órt qaýpi saqtalady.

Soltústik Qazaqstan oblysynyń soltústiginde, shyǵysynda naızaǵaı oınaıdy. Túnde jáne tańerteń oblystyń batysynda tuman túsedi. Batystan, soltústik batystan jel soǵady, túnde oblystyń ońtústiginde ekpini 15-20 m/s, kúndiz kúshi 15-20, ekpini 23-28 m/s.

2 mamyrda túnde jáne tańerteń Qaraǵandy oblysynyń batysynda, soltústiginde, shyǵysynda tuman túsedi. Soltústik batystan jel soǵady, kúndiz oblystyń shyǵysynda ekpini 16 m/s. Oblystyń ońtústiginde joǵary órt qaýpi saqtalady.

2 mamyrda kúndiz Atyraý oblysynyń batysynda, soltústiginde naızaǵaı oınaıdy. Túnde jáne tańerteń oblystyń batysynda tuman túsedi. Kúndiz oblystyń ońtústiginde, soltústiginde, shyǵysynda shańdy daýyl turady. Ońtústik shyǵystan, ońtústikten jel soǵady, kúndiz ekpini 15-20 m/s. Oblystyń ońtústiginde joǵary órt qaýipi saqtalady.

2 mamyrda kúndiz Almaty oblysynyń ońtústiginde, taýly aýdandarynda qatty jańbyr jaýady. Oblystyń ońtústiginde, taýly aýdandarynda shańdy daýyl turady, naızaǵaı oınap, burshaq jaýady. Soltústik batystan jel soǵady, oblystyń ońtústiginde, taýly aýdandarynda ekpini 15-20, kúndiz keı ýaqytta 25 m/s. Oblystyń batysynda, ortalyǵynda joǵary órt qaýipi saqtalady.

Túrkistan oblysynyń taýly aýdandarynda naızaǵaı oınaıdy. Oblystyń basym bóliginde joǵary órt qaýipi saqtalady.

2 mamyrda túnde jáne tańerteń Ulytaý oblysynyń soltústiginde, shyǵysynda tuman túsedi. Túnde oblystyń soltústiginde topyraq betinde 3 gradýs úsik júredi. Oblystyń ortalyǵynda joǵary órt qaýipi saqtalady.

2 mamyrda kúndiz Aqmola oblysynyń soltústiginde, shyǵysynda naızaǵaı oınaıdy. Túnde jáne tańerteń oblystyń batysynda tuman túsedi. Soltústik batystan jel soǵady, tańerteń jáne kúndiz oblystyń batysynda, soltústiginde, shyǵysynda jyldamdyǵy 15-20 m/s. Túnde oblystyń batysynda topyraq betinde 1 gradýs úsik kútiledi.

2 mamyrda túnde jáne tańerteń Shyǵys Qazaqstan oblysynyń soltústiginde, shyǵysynda tuman túsedi. Túnde oblystyń soltústiginde, shyǵysynda 3 gradýs úsik júredi. Oblystyń ońtústiginde joǵary órt qaýpi saqtalady, oblystyń soltústik batysynda joǵary órt qaýpi saqtalady.

2 mamyrda kúndiz Abaı oblysynyń ońtústiginde naızaǵaı oınaıdy. Túnde jáne tańerteń oblystyń shyǵysynda, ońtústiginde tuman túsedi. Ońtústik batystan soǵatyn jel soltústik batysqa aýysady, kúndiz oblystyń batysynda, soltústiginde, ortalyǵynda 15-20 m/s. Túnde oblystyń soltústiginde, ortalyǵynda 3 gradýs úsik júredi. Oblystyń soltústik batysynda, ońtústiginde, ortalyǵynda joǵary órt qaýpi saqtalady.

2 mamyrda túnde Aqtóbe oblysynyń soltústiginde topyraq betinde 2 gradýs úsik júredi. Oblystyń ońtústiginde, ońtústik shyǵysynda joǵary órt qaýipi saqtalady.

2 mamyrda túnde Qostanaı oblysynyń shyǵysynda 1 gradýs úsik júredi.

2 mamyrda Jambyl oblysynyń ońtústiginde, taýly aýdandarynda naızaǵaı oınap, kúndiz burshaq jaýady. Oblystyń taýly aýdandarynda tuman túsedi. Oblystyń soltústiginde, ońtústiginde shańdy daýyl turady. Soltústik batystan jel soǵady, oblystyń ońtústik batysynda, soltústik shyǵysynda, taýly aýdandarynda 15-20 m/s kútiledi. 2 mamyrda oblys boıynsha joǵary órt qaýipi saqtalady.

2 mamyrda Jetisý oblysynyń ońtústik bóliginde, taýly aýdandarynda naızaǵaı oınap, burshaq jaýady. Soltústik batystan jel soǵady, oblystyń soltústiginde, shyǵysynda, ortalyǵynda ekpini 15-20, keı ýaqyttarda 23-28 m/s. Oblystyń batysynda, ońtústiginde joǵary órt qaýpi saqtalady.

2 mamyrda kúndiz Batys Qazaqstan oblysynyń batysynda, soltústiginde, shyǵysynda naızaǵaı oınap, burshaq jaýady. Jel ońtústikten, ońtústik shyǵystan soǵady, kúndiz oblystyń soltústiginde, shyǵysynda, ońtústiginde ekpini 15-20 m/s.

Osyǵan deıin ShQO-daǵy Buqtyrma ózeninde sý deńgeıi kóterilip ketkeni týraly jazdyq.