Qazaqstannyń birqatar óńirinde aýa raıyna baılanysty eskertý jarııalandy

ASTANA. KAZINFORM – «Qazgıdromet» RMK-sy respýblıkanyń birqatar óńirinde aýa raıyna baılanysty eskertý jarııalady.

Kásiporynyń derekterine qaraǵanda, Astanada 4 shilde kúni kúndiz naızaǵaı oınap, burshaq jaýady, daýyl, shańdy daýyl turady. Ońtústik-shyǵystan soǵatyn jel ońtústik-batysqa aýysady, kúndiz ekpini 15-20 m/s, keı ýaqyttarda 25 m/s-qa jetedi. Kúndiz 35 gradýs ystyq bolady.

4 shildede túnde Mańǵystaý oblysynyń ortalyǵynda shańdy daýyl turady. Soltústikten, soltústik-batystan jel soǵady, túnde oblystyń ortalyǵynda jyldamdyǵy sekýndyna 15-20 metrge jetedi. Kúndiz oblystyń ońtústiginde 40 gradýs ystyq bolady. Oblystyń batysynda, ońtústiginde, soltústiginde, ortalyǵynda joǵary órt qaýpi, oblystyń soltústik-batysynda tótenshe órt qaýpi saqtalady.

4 shilde kúni túnde jáne tańerteń Batys Qazaqstan oblysynyń batysynda, soltústiginde tuman túsedi. Kúndiz oblystyń soltústiginde, shyǵysynda naızaǵaı oınap, burshaq jaýady, daýyl turady.

4 shildede Atyraý oblysynyń batysynda, ońtústiginde joǵary órt qaýpi saqtalady.

4 shildede kúndiz Aqmola oblysynyń soltústiginde qatty jańbyr jaýady, túnde oblystyń batysynda, soltústiginde, ońtústiginde naızaǵaı oınaıdy. Kúndiz oblystyń soltústiginde, shyǵysynda, ońtústiginde burshaq jaýyp, daýyl turady. Ońtústik-shyǵystan soǵatyn jel ońtústik-batysqa aýysady, túnde oblystyń batysynda, soltústiginde, ońtústiginde jyldamdyǵy 15-20 m/s, kúndiz 15-20 m/s, oblystyń batysynda, soltústiginde, shyǵysynda ekpini 23-28 m/s. Kúndiz 35 gradýs ystyq bolyp, oblystyń batysynda joǵary órt qaýpi saqtaldy.

4 shilde kúni Qyzylorda oblysynyń soltústiginde, ortalyǵynda shańdy daýyl turady. Jel soltústik-batystan soǵady, túnde oblystyń soltústiginde kúshi 15-20 m/s, kúndiz 15-20 m/s kútiledi. Kúndiz 41-44 gradýs ystyq kútiledi.

4 shildede kúndiz Aqtóbe oblysynyń soltústiginde naızaǵaı oınaıdy. Batystan, soltústik-batystan jel soǵady, kúndiz oblystyń soltústiginde, shyǵysynda, ortalyǵynda ekpini 15-20 m/s. Oblystyń ortalyǵynda tótenshe órt qaýpi, oblystyń ońtústiginde, ońtústik-shyǵysynda joǵary órt qaýpi saqtalady.

4 shildede túnde Qostanaı oblysynyń soltústiginde, shyǵysynda qatty jańbyr jaýady. Oblystyń batysynda, soltústiginde, shyǵysynda naızaǵaı oınap, kúndiz burshaq jaýady, daýyl turady. Túnde jáne tańerteń oblystyń batysynda, soltústiginde tuman túsedi. Soltústik-batystan, batystan jel soǵady, oblystyń soltústiginde, shyǵysynda, ońtústiginde ekpini 15-20 m/s. Oblystyń ońtústik-batysynda tótenshe órt qaýpi saqtalady.

4 shildede kúndiz Shyǵys Qazaqstan oblysynyń shyǵysynda naızaǵaı oınaıdy. Soltústik-shyǵystan soǵatyn jel soltústik-batysqa aýysady, kúndiz oblystyń shyǵysynda, ońtústiginde jyldamdyǵy 15-18 m/s. Kúndiz oblys boıynsha 35 gradýs ystyq bolady. Oblystyń ońtústiginde joǵary órt qaýpi saqtalady.

4 shildede kúndiz Abaı oblysynda 35 gradýs ystyq bolady. Oblystyń ońtústiginde tótenshe órt qaýpi saqtalady.

4 shildede kúndiz Ulytaý oblysynyń batysynda, soltústiginde naızaǵaı oınaıdy. Ońtústik-shyǵystan jel soǵady, tańerteń jáne kúndiz oblystyń batysynda, soltústiginde, ortalyǵynda ekpini 15-20, keı ýaqyttarda 23 m/s bolady. Kúndiz 35-39 gradýs ystyq.

4 shildede Soltústik Qazaqstan oblysynyń batysynda, soltústiginde, ońtústiginde qatty jańbyr, burshaq jaýady, daýyl turady.

4 shildede Jambyl oblysynyń soltústik-shyǵysynda, taýly aýdandarynda soltústik-shyǵystan jel soǵady, kúshi 15-20 m/s.

4 shildede kúndiz Qaraǵandy oblysynyń batysynda, soltústiginde naızaǵaı oınaıdy. Ońtústik-shyǵystan jel soǵady, kúndiz oblystyń batysynda, soltústiginde ekpini 15-20. Kúndiz 35 gradýs ystyq. Oblystyń batysynda, shyǵysynda, ońtústiginde tótenshe órt qaýpi saqtalady.

4 shildede kúndiz Pavlodar oblysynyń batysynda naızaǵaı oınaıdy. Kúndiz oblys boıynsha 35-37 gradýs ystyq.

4 shildede Jetisý oblysynda soltústik-shyǵystan jel soǵady, kúndiz Alakól kólderi aýdanynda ekpini 15-20 m/s.

Osyǵan deıin habarlaǵanymyzdaı, qazaq kınosy Qytaı festıvalinde kórsetildi.