Qazaqstannyń birqatar óńirinde aýa raıyna baılanysty eskertý jarııalandy

ASTANA. KAZINFORM – Qazaqstannyń 16 óńirinde jáne Astanada 23 aqpanda aýa raıyna baılanysty eskertý jarııalandy, dep habarlaıdy Kazinform «Qazgıdromet» RMK baspasóz qyzmetine silteme jasap.

Jetisý oblysynyń shyǵys, ortalyq jáne taýly aýdandarda tuman kútiledi. Kúndiz oblystyń soltústik, ońtústik jáne shyǵys bólikterinde ońtústik-batystan soqqan jeldiń ekpini – 15-20 m/s, al Alakól kólderi aýdanynda 23-28 m/s jetedi.

Aqmola oblysynda qar jaýyp, burqasyn bolady, kóktaıǵaq kútiledi. Túnde oblystyń soltústik jáne shyǵys bólikterine de qar túsýi yqtımal. Keı aımaqtarǵa tuman túsedi. Jel soltústik-batystan soǵyp, ekpini 15-20 m/s bolady. Kókshetaýda qar jaýyp, burqasyn júredi, túnde qar qalyńdaý bolady. Jeldiń ekpini túnde – 15-20 m/s.

Almaty oblysynyń ońtústigi men taýly aımaqtarynda túnde jáne tańerteń tuman kútiledi. Kúndiz oblystyń soltústik, ońtústik jáne taýly aýdandarynda jeldiń baǵyty ońtústik-shyǵystan soltústik-batysqa aýysyp, ekpini 15-20 m/s bolady. Almaty jáne Qonaev qalalarynda túnde jáne tańerteń tuman bolady, jeldiń ekpini 15-20 m/s.

Aqtóbe oblysynyń batysy men soltústiginde tuman túsedi. Aqtóbede túnde jáne tańerteń tuman kútiledi.

Pavlodar oblysynda qar jaýyp, burqasyn bolady. Oblystyń batysy men ońtústiginde qar qalyń túsedi, al soltústiginde tuman bolýy yqtımal. Jeldiń baǵyty soltústik-shyǵystan soltústik-batysqa aýysyp, ekpini – 15-20 m/s, kúndiz ońtústik bóliginde 25 m/s jetedi. Pavlodar qalasynda qar jaýyp, burqasyn bolady, jeldiń ekpini – 15-20 m/s.

Shyǵys Qazaqstan oblysynda qar jaýyp, burqasyn júredi. Kúndiz oblystyń soltústik jáne shyǵys bólikterinde qar qalyń túsedi, túnde ońtústiginde tuman bolady. Jel ońtústik-shyǵystan soltústik-batysqa aýysyp, ekpini – 15-20 m/s, keı ýaqytta 23 m/s jetedi. Óskemende qar jaýyp, burqasyn bolady, jeldiń ekpini – 15-20 m/s, keı ýaqytta – 23 m/s.

Abaı oblysynda túnde jáne kúndiz batys, soltústik jáne ortalyq aýdandarda qar jaýyp, burqasyn júredi. Ońtústiginde kóktaıǵaq jáne tuman bolady. Jel ońtústikten soltústik-batysqa aýysyp, túnde – 23-28 m/s, kúndiz 23-28 m/s deıin, keıde 30 m/s jáne odan joǵary ekpinge jetedi. Semeı qalasynda qar jaýyp, burqasyn bolady, jeldiń ekpini – 15-20 m/s, kúndiz – 23 m/s.

Jambyl oblysynda keı ýaqytta tuman túsedi. Jel soltústik-batystan soǵyp, túnde jáne kúndiz ońtústik-batysyndaǵy taýly aýdandarda ekpini 15-20 m/s bolady. Taraz qalasynda tuman kútiledi.

Qaraǵandy oblysynda túnde batys, soltústik jáne shyǵys aýdandarda, kúndiz soltústik jáne shyǵys bólikterde qar jaýyp, burqasyn bolady. Soltústik, shyǵys jáne ońtústik aýdandarda tuman túsedi. Jel ońtústik-batystan jáne batystan soǵyp, ekpini – 15-20 m/s. Qaraǵandy qalasynda qar jaýyp, burqasyn bolady, tuman túsýi múmkin.

Ulytaý oblysynda túnde soltústik, shyǵys jáne ortalyq aýdandarda qar jaýyp, jaıaý burqasyn bolady, tuman túsedi. Jel soltústik-batystan soǵyp, kúndiz shyǵys bóliginde ekpini – 15-20 m/s. Jezqazǵanda túnde qar jaýyp, jaıaý burqasyn bolady, tuman bolýy yqtımal, jeldiń ekpini – 15-20 m/s.

Mańǵystaý oblysynyń soltústik jáne ortalyq aýdandarynda túnde jáne tańerteń tuman túsedi. Jel shyǵystan soǵady, ekpini – 15-20 m/s.

Qostanaı oblysynda túnde soltústik, shyǵys jáne ońtústik bólikterde qar jaýyp, burqasyn bolady. Batys, soltústik jáne shyǵys aýdandarda tuman túsedi. Jel soltústik-batystan soǵyp, ekpini – 15-20 m/s.

Soltústik Qazaqstan oblysynda 23 aqpanda kúndiz oblystyń shyǵys bóliginde qar jaýyp, burqasyn kútiledi. Oblystyń batysynda tuman túsedi. Jel soltústikten jáne soltústik-shyǵystan soǵyp, túnde jáne kúndiz shyǵys aýdandarynda ekpini 15-20 m/s bolady. Petropavl qalasynda túnde qar jaýyp, burqasyn kútiledi, jeldiń ekpini 15-20 m/s shamasynda bolady.

Qyzylorda oblysynyń ortalyǵynda tuman túsedi dep boljanyp otyr. Kúndiz oblystyń soltústigi men ońtústiginde soltústikten jáne soltústik-shyǵystan jel soǵyp, ekpini – 15-20 m/s. Qyzylorda qalasynda 23 aqpanda keı ýaqytta tuman kútiledi.

Túrkistan oblysynyń batysy, soltústigi, ońtústigi jáne taýly aımaqtarynda tuman túsedi. Tańerteń jáne kúndiz taýly ótkelderde soltústik-shyǵystan soqqan jeldiń ekpini 15-20 m/s bolady. Shymkent pen Túrkistan qalalarynda 23 aqpanda túnde jáne tańerteń tuman kútiledi.

Astana qalasynda 23 aqpanda keı ýaqytta qar jaýyp, burqasyn jáne kóktaıǵaq bolady. Jel soltústik-batystan soǵyp, ekpini keı ýaqytta 15-20 m/s jetedi.

Batys Qazaqstan oblysynyń batysy, soltústigi, shyǵysy jáne ortalyq bóliginde tuman túsedi dep kútiledi.

Eske sala keteıik, buǵan deıin aýa raıyna baılanysty úsh oblysta kólik qozǵalysy shektelgen edi.