Qazaqstannyń birqatar óńirinde aýa raıyna baılanysty eskertý jarııalandy

ASTANA. KAZINFORM – «Qazgıdromet» elimizdiń birqatar óńirinde aýa raıyna baılanysty eskertý jarııalady.

Aqpannyń 15-i kúni Shymkent qalasynda túngi jáne tańǵy ýaqytta tuman túsýi múmkin.

Abaı oblysynyń ońtústik-shyǵysynda túnde jáne tańerteń tuman túsedi. Jel shyǵys jáne ońtústik-shyǵystan soǵyp, tańerteń jáne kúndiz oblystyń ońtústigi men ortalyǵynda ekpini sekýndyna 15–20 metrge deıin jetýi yqtımal.

Aqtóbe oblysynyń ońtústiginde túnde jańbyr men qar jaýyp, kóktaıǵaq, jaıaý burqasyn bolady. Kúndiz oblystyń soltústiginde, ońtústiginde jáne ortalyǵynda da osyndaı aýa raıy saqtalady. Jel ońtústik-shyǵystan soǵyp, keı jerlerde ekpini 15–20 m/s-qa deıin kúsheıedi.

Almaty oblysynyń taýly aımaqtarynda túnde keı ýaqytta qalyń qar jaýady.

Atyraý oblysynyń batysynda, ońtústiginde jáne shyǵysynda tuman túsip, kóktaıǵaq bolady. Jel shyǵystan soltústik-batysqa aýysyp, túnde oblystyń ońtústigi men shyǵysynda ekpini 15–18 m/s-qa jetedi.

Shyǵys Qazaqstan oblysynyń soltústigi men ońtústiginde túnde jáne tańerteń tuman túsedi.

Jambyl oblysynda tuman túsip, kóktaıǵaq bolady. Soltústik-shyǵystan soǵatyn jel túnde taýly aımaqtarda, kúndiz oblystyń soltústik-shyǵysynda jáne taýly óńirlerinde 15–20 m/s-qa deıin kúsheıýi múmkin.

Jetisý oblysynyń taýly aýdandarynda túnde keı ýaqytta qalyń qar jaýady. Oblystyń shyǵysynda, ońtústiginde, ortalyǵynda jáne taýly aımaqtarynda tuman túsip, kóktaıǵaq bolady. Soltústik-shyǵys jeliniń jyldamdyǵy Alakól kólderi mańynda 15–20 m/s, keıde 25 m/s-qa deıin jetýi yqtımal.

Batys Qazaqstan oblysynyń batysynda, ońtústiginde túnde qar jaýyp, jaıaý burqasyn soǵady, kóktaıǵaq bolady. Kúndiz jańbyr men qar aralas jaýyn jaýady. Oblystyń birqatar aýmaǵynda tuman túsedi. Jel ońtústik-shyǵystan ońtústik-batysqa aýysyp, ekpini 15–20 m/s-qa deıin barady.

Qaraǵandy oblysynyń soltústigi men shyǵysynda tuman túsedi.

Qostanaı oblysynyń batysynda jáne soltústiginde kúndiz azdaǵan qar jaýyp, jaıaý burqasyn men kóktaıǵaq bolady. Oblystyń batysynda, soltústiginde jáne shyǵysynda tuman túsedi. Jel ońtústik jáne ońtústik-shyǵystan soǵyp, ekpini 15–20 m/s-qa deıin kúsheıedi.

Qyzylorda oblysynyń soltústiginde túnde jáne tańerteń kóktaıǵaq bolyp, oblystyń soltústigi men ortalyǵynda tuman túsedi.

Mańǵystaý oblysynyń batysy men ońtústiginde túnde kóktaıǵaq bolady. Oblystyń birqatar aýmaǵynda tuman túsip, jel ońtústik-shyǵystan soltústik-shyǵysqa aýysady. Kúndiz jel ekpini 15–20 m/s-qa jetýi múmkin.

Túrkistan oblysynyń soltústiginde jáne taýly aýdandarynda tańerteń jáne kúndiz jańbyr men qar jaýyp, kóktaıǵaq bolady. Keı jerlerde tuman túsedi. Jel ekpini 15–20 m/s-qa deıin kúsheıedi.

Ulytaý oblysynyń soltústiginde, shyǵysynda jáne ortalyǵynda tuman boljanyp otyr.

Osyǵan deıin elimizdiń eki oblysynda aýa raıyna baılanysty joldar jabylǵany týraly jazdyq.