Qazaqstannyń birqatar óńirinde aýa raıy kúrt nasharlaıdy

Sınoptıkter qar, boran, kóktaıǵaq, tuman, qatty jel jáne úsik bolatynyn boljaıdy.

Birqatar óńirde órt shyǵý qaýpi joǵary nemese tótenshe deńgeıde saqtalady.

Aqmola oblysy

Oblystyń batysy men soltústiginde tuman túsedi. Túnde soltústik-batystan jáne soltústikten soǵatyn jel oblystyń soltústigi men shyǵysynda sekýndyna 15–18 metrge deıin kúsheıedi.

Almaty oblysy

Oblystyń ońtústiginde jańbyr men qar túrinde jaýyn-shashyn jaýady. Taýly aýdandarda keı ýaqytta qalyń qar túsedi. Ońtústikte jáne taýly aımaqtarda tuman bolýy múmkin. Soltústik-batystan soǵatyn jeldiń ekpini shyǵysta jáne taýly aýdandarda sekýndyna 18–23 metrge jetedi. Túnde oblystyń soltústiginde 3 gradýsqa deıin úsik júredi. Batysynda, ońtústiginde jáne ortalyǵynda órt shyǵý qaýpi joǵary.

Almaty qalasy

23 qazanǵa qaraǵan túni jańbyr, dymqyl qar jaýyp, tuman túsedi. Іle Alataýynyń taýly aýdandarynda, Medeý jáne Bostandyq aýdandarynda keı ýaqytta qalyń qar jaýyp, tuman bolady. Soltústik-batystan soǵatyn jeldiń ekpini sekýndyna 18–23 metrge jetedi.

Abaı oblysy

23 qazanda jaýyn-shashyn, negizinen qar jaýyp, kóktaıǵaq bolady. Oblystyń batysynda, soltústiginde jáne shyǵysynda boran soǵady. Túnde jáne tańerteń ońtústiginde tuman túsedi. Soltústik-batystan soǵatyn jeldiń ekpini batysynda, soltústiginde jáne shyǵysynda sekýndyna 15–20 metrge jetedi.

Atyraý oblysy

23 qazanda órt shyǵý qaýpi tótenshe deńgeıde saqtalady.

Shyǵys Qazaqstan oblysy

Jaýyn-shashyn, negizinen qar jaýyp, kóktaıǵaq bolady. Soltústiginde, shyǵysynda jáne taýly aýdandarda keı ýaqytta qalyń qar túsedi. Batysynda, soltústiginde, shyǵysynda jáne taýly aýdandarda boran soǵýy múmkin. Batystan jáne soltústik-batystan soǵatyn jeldiń ekpini oblystyń batysynda, soltústiginde jáne ońtústiginde sekýndyna 15–20 metrge jetedi.

Jambyl oblysy

Taýly aýdandarda tuman túsedi. Soltústik-shyǵystan soǵatyn jeldiń ekpini túnde taýly aýdandarda, kúndiz oblystyń ońtústik-batysynda, soltústik-shyǵysynda jáne taýly aımaqtarynda sekýndyna 15–20 metrge jetedi. Túnde oblystyń batysynda, soltústiginde jáne shyǵysynda 3 gradýsqa deıin úsik júredi. Soltústigi men ońtústiginde órt shyǵý qaýpi joǵary.

Jetisý oblysy

Taýly aýdandarda keı ýaqytta qalyń qar jaýady. Shyǵysynda jáne taýly aımaqtarda tuman túsedi. Soltústik-batystan soǵatyn jeldiń ekpini shyǵysynda jáne taýly aýdandarda sekýndyna 15–20 metrge jetedi. Túnde 1–6 gradýs úsik júredi.

Oblystyń shyǵysynda órt shyǵý qaýpi tótenshe deńgeıde, ońtústiginde joǵary deńgeıde saqtalady. Alakól kólderi aýdanynda jeldiń ekpini sekýndyna 23–28 metrge jetip, kúndiz keı ýaqytta sekýndyna 30 metrden asady.

Batys Qazaqstan oblysy

Oblystyń batysynda, ońtústiginde jáne shyǵysynda órt shyǵý qaýpi joǵary deńgeıde saqtalady.

Qaraǵandy oblysy

Oblystyń soltústigi men shyǵysynda jaýyn-shashyn, negizinen qar jaýyp, kóktaıǵaq bolady. Túnde jáne tańerteń osy aýdandarda tuman túsedi. Soltústik-batystan jáne batystan soǵatyn jeldiń ekpini tańerteń jáne kúndiz sekýndyna 15 metrge jetedi. Oblystyń batysynda órt shyǵý qaýpi tótenshe deńgeıde saqtalady.

Qostanaı oblysy

Oblystyń ońtústiginde órt shyǵý qaýpi joǵary deńgeıde saqtalady.

Qyzylorda oblysy

Kúndiz oblystyń soltústiginde, shyǵysynda jáne ortalyǵynda shańdy daýyl turady. Túnde shyǵysynda soltústik-shyǵystan soǵatyn jeldiń ekpini sekýndyna 15–20 metrge jetedi. Kúndiz jeldiń ekpini sekýndyna 15–20 metr, al shyǵysynda sekýndyna 25 metrge deıin kúsheıedi.

Túnde oblystyń soltústigi men ortalyǵynda 3 gradýsqa deıin úsik júredi. Óńirde órt shyǵý qaýpi tótenshe deńgeıde, soltústiginde joǵary deńgeıde saqtalady.

Mańǵystaý oblysy

Kúndiz oblystyń soltústiginde shańdy daýyl turady. Shyǵystan soǵatyn jeldiń ekpini batysynda, soltústiginde jáne shyǵysynda sekýndyna 15–20 metrge jetedi. Oblys boıynsha órt shyǵý qaýpi joǵary, ortalyq bóliginde tótenshe deńgeıde bolady.

Pavlodar oblysy

Jaýyn-shashyn, negizinen qar jaýady. Oblystyń batysynda, ońtústiginde jáne ortalyǵynda kóktaıǵaq bolýy múmkin. Soltústigi men shyǵysynda tuman túsedi. Soltústik-batystan soǵatyn jeldiń ekpini kúndiz batysynda jáne ońtústiginde sekýndyna 15–20 metrge jetedi.

Soltústik Qazaqstan oblysy

Túnde oblystyń soltústigi men shyǵysynda jaýyn-shashyn, negizinen qar jaýyp, kóktaıǵaq bolady. Batysynda tuman túsedi. Soltústik-batystan jáne batystan soǵatyn jeldiń ekpini soltústiginde, shyǵysynda jáne ońtústiginde sekýndyna 15–20 metrge jetedi.

Ulytaý oblysy

Túnde jáne tańerteń oblystyń soltústigi men shyǵysynda tuman túsedi. Batysynda jáne ortalyq bóliginde órt shyǵý qaýpi tótenshe deńgeıde saqtalady.