Birqatar óńirde 40 gradýsqa deıin aptap ystyq, naızaǵaı men daýyl kútiledi
ASTANA. KAZINFORM — «Qazgıdromet» RMK 2026 jylǵy 5 tamyzǵa arnalǵan daýyldy eskertý jarııalady. Sınoptıkterdiń boljamynsha, elimizdiń birqatar óńirinde aptap ystyq saqtalyp, keı jerlerde jańbyr jaýyp, naızaǵaı oınap, burshaq túsip, ekpindi jel soǵady.
Túrkistan, Almaty, Jetisý, Soltústik Qazaqstan, Shyǵys Qazaqstan, Qaraǵandy, Abaı, Jambyl, Pavlodar, Aqmola jáne Ulytaý oblystarynda, sondaı-aq Astana, Almaty, Shymkent, Taldyqorǵan, Óskemen, Semeı, Qaraǵandy, Pavlodar, Petropavl, Kókshetaý jáne basqa da qalalarda jańbyr, naızaǵaı, keı jerlerde qatty jańbyr, burshaq pen daýyl kútiledi. Jeldiń ekpini sekýndyna 15–28 metrge deıin jetýi múmkin.
Mańǵystaý oblysynda kúndiz aýa temperatýrasy +38...+40 gradýsqa deıin kóteriledi. Atyraý oblysynda +35...+37 gradýs, Aqtóbe oblysynyń batysy men ońtústiginde +35 gradýsqa deıin aptap ystyq bolady.
Sonymen qatar Túrkistan, Almaty, Jetisý, Batys Qazaqstan, Atyraý, Mańǵystaý, Aqtóbe, Qyzylorda, Qaraǵandy, Abaı, Jambyl, Aqmola, Ulytaý jáne basqa da óńirlerde joǵary jáne tótenshe órt qaýpi saqtalady.
Buǵan deıin sınoptıkter Astana, Almaty jáne Shymkent qalalaryna arnalǵan aldaǵy úsh kúnniń aýa raıy boljamyn jańartqan bolatyn. Oǵan sáıkes, 5–7 tamyz aralyǵynda eldiń keı óńirlerinde jańbyr jaýady.
Aıta keteıik, tamyzda eldiń ońtústigi men batysynda negizinen ystyq, al soltústik jartysynda jańbyrly, naızaǵaıly ári salystyrmaly túrde salqyndaý aýa raıy qalyptasady.
