Qazaqstannyń mádenıet qaıratkerleri Qyrǵyzstannyń memlekettik nagradasymen marapattaldy
ASTANA. KAZINFORM – Astanada Qyrǵyz Respýblıkasynyń Prezıdenti Sadyr Japarovtyń resmı sapary aıasynda Qazaqstannyń mádenıet jáne óner qaıratkerlerine Qyrǵyzstannyń memlekettik nagradalaryn tapsyrý rásimi ótti.
Іs-shara barysynda Qyrǵyz Respýblıkasynyń Memlekettik hatshysy Súıúnbek Kasmambetov mádenıet jáne óner ókilderin memlekettik nagradalarmen marapattaýdy ǵasyrlar boıy qalyptasqan dostyqtyń, ortaq mádenıettiń, yntymaqtastyqty damytýdyń belgisi, sondaı-aq mádenı-gýmanıtarlyq baılanystardy odan ári belsendi damytýǵa baǵyttalǵan qadam retinde qarastyrý kerektigin atap ótti.
Qyrǵyzstan Respýblıkasy Prezıdentiniń Jarlyǵymen Qyrǵyz Respýblıkasy men Qazaqstan Respýblıkasy arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin myna adamdar marapattaldy:
«Danaker» ordenimen:
- Murat Muhtaruly Áýezov – Qazaqstan Respýblıkasynyń qoǵam qaıratkeri, mádenıettanýshy;
- Muhtar Shahanov – aqyn, dıplomat, Qazaqstan Respýblıkasynyń Qyrǵyz Respýblıkasyndaǵy burynǵy Tótenshe jáne ókiletti elshisi.
«Dostyq» ordenimen:
- Saýytbek Ábdirahmanuly Ábdirahmanov – pýblıtsıst, ádebıettanýshy, jýrnalıst, kıno synshysy, Qazaqstan Respýblıkasy Parlamenti Májilisiniń eks-depýtaty;
- Myrzataı Joldasbekov – Qazaqstan Respýblıkasynyń kórnekti memleket jáne qoǵam qaıratkeri, túrkitanýshy;
- Erlan Ábilfaıyzuly Ydyrysov – memleket qaıratkeri, Qazaqstan Respýblıkasynyń burynǵy Syrtqy ister mınıstri;
- Jeńis Mahmuduly Qasymbek – Qazaqstan Respýblıkasy Astana qalasynyń ákimi;
- Darhan Qýandyquly Qydyráli – Qazaqstan Respýblıkasy Parlamenti Senatynyń depýtaty, L.N.Gýmılev atyndaǵy Eýrazııa ulttyq ýnıversıtetiniń professory, Qazaqstan Respýblıkasy Ulttyq ǵylym akademııasynyń akademıgi;
- Baýyrjan Jumahanuly Omarov – Qazaqstan Respýblıkasy Prezıdentiniń keńesshisi, fılologııa ǵylymdarynyń doktory, professor;
- Janseıit Qanseıituly Túımebaev – Ál-Farabı atyndaǵy Qazaq ulttyq ýnıversıtetiniń basqarma tóraǵasy – rektory.
«Dańq» ordenimen:
- Aqtoty Rahmetollaqyzy Raıymqulova – Túrki mádenıeti men murasy halyqaralyq qorynyń prezıdenti.
«Qyrǵyz Respýblıkasynyń halyq ártisi» qurmetti ataǵymen:
- Altynbek Qorazbaev – keńestik jáne qazaq kompozıtory, ánshi;
- Roza Qýanyshqyzy Rymbaeva – keńestik jáne qazaq estrada ánshisi jáne kıno aktrısasy.
Dańq medalimen:
- Dıdara Kúlkenova – Qazaqstan Respýblıkasy «Tań-Sholpan» ádebı-kórkem, buqaralyq jýrnalynyń bas dırektory – redaktorlar keńesiniń tóraıymy;
- Nurlan Jańbyrshyuly Nurkenov – Qazaqstan Respýblıkasy, Astana qalasy ákiminiń birinshi orynbasary.
Qyrǵyz Respýblıkasynyń Qurmet gramotasymen:
- Nurlybek Samatuly Safın – «Tań-Sholpan» ádebı-kórkem, buqaralyq jýrnalynyń bas redaktory, Qazaqstan Respýblıkasy;
- Erlan Battashuly Sydyqov – L.Gýmılev atyndaǵy Eýrazııa ulttyq ýnıversıtetiniń basqarma tóraǵasy – rektory.
- Erbol Jaqsygeldiuly Habylbekov – Q.Qýanyshbaev atyndaǵy Qazaq memlekettik akademııalyq mýzykalyq-drama teatrynyń dırektory.
