Qazaqstannyń birqatar qalasynda HQO-lardyń mekenjaılary ózgeredi

ASTANA. KAZINFORM – 2026 jyldyń alǵashqy kúnderinde Qazaqstannyń birneshe qalasynda kezekshi halyqqa qyzmet kórsetý ortalyqtary men mamandandyrylǵan HQO-lardyń mekenjaılary ózgeredi. Bul týraly Azamattarǵa arnalǵan úkimet memlekettik korporatsııasynyń Telegram-arnasynda habarlandy.

Málimetke sáıkes, 3 qańtardan bastap Almaty, Shymkent, Semeı, Aqtóbe, Óskemen, Oral, Qaraǵandy qalalarynda, sondaı-aq Ulytaý oblysynda kezekshi HQO men mamandandyrylǵan HQKO-lardyń mekenjaılary jańartylady.

Al Astana qalasynda ózgerister 5 qańtardan bastap kúshine enedi.

«Azamattarǵa arnalǵan úkimet» memlekettik korporatsııasy kezekshi halyqqa qyzmet kórsetý ortalyqtarynyń jumys kestesin eske saldy. Kezekshi HQO-lar jumys kúnderi saǵat 09:00-den 20:00-ge deıin, senbi kúnderi 09:00-den 13:00-ge deıin qyzmet kórsetedi.

Al kezekshi mamandandyrylǵan HQKO-larda jumys kúnderi ótinishter 09:00-den 18:00-ge deıin qabyldanyp, daıyn qujattar 20:00-ge deıin beriledi. Senbi kúnderi ótinishter 09:00-den 12:00-ge deıin qabyldanyp, daıyn qujattar 13:00-ge deıin tapsyrylady.

Aıta keteıik, buǵan deıin Astana men Almaty qalalarynda HQO-lardyń mekenjaıy ózgergeni  habarlaǵan bolatyn.