Qazaqstannyń borysh júktemesi 5 jyl burynǵydan áldeqaıda jeńildedi – Ulttyq bank
ASTANA. KAZINFORM – Ulttyq bank tóraǵasy Tımýr Súleımenov Qazaqstannyń syrtqy qaryzy 170,5 mlrd dollarǵa jetýi týraly pikir bildirdi.
Ulttyq bank basshysy atalǵan somanyń basym bóligi Qazaqstan aýmaǵynda jumys isteıtin sheteldik ınvestorlardyń óz elindegi bas keńseleri aldyndaǵy boryshy quraıtynyn eske saldy. Sondaı-aq, ol memlekettik qaryzdyń kóleminen buryn onyń jalpy ishki ónimge paıyzben shaqqandaǵy qatysy mańyzdy ekenin aıtty.
– 2018, 2019 jyldardy alsaq, syrtqy qaryzdyń kólemi 160-170 mlrd dollardyń tóńireginde bolǵan edi. Shamamen qazirgideı deńgeıde bolatyn. Biraq ol kezde JІÓ kólemi de 170 dollar bolatyn. Demek syrtqy qaryzdyń JІÓ-ge qatysy 110–120% boldy. Qazir memlekettik boryshymyzdyń JІÓ-degi deńgeıi 57-58% bolyp otyr. ıAǵnı, borysh júktemesi sońǵy 5 jylda áldeqaıda jeńildedi, - dedi Tımýr Súleımenov.
Aıtýynsha, mundaı oń tendentsııaǵa ekonomıkanyń ósýi men keıbir syrtqy mindettemelerdi qaıta qaraý sharasy jol ashyp otyr.
Eske salaıyq, búgin Ulttyq bank bazalyq mólsherlemeni taǵy ózgerissiz qaldyrdy.
