Qazaqstannyń basym bóliginde jel kúsheıip, kóktaıǵaq bolady

ASTANA. KAZINFORM — Qazaqstan aımaqtarynda 2024 jylǵy 2 jeltoqsanda bolatyn qaýipti meteorologııalyq qubylystarǵa boljaý konsýltatsııasy jarııalandy, dep habarlaıdy Qazgıdromet.

— Qazaqstan aýmaqtarynyń basym bóligi tsıklon men atmosferalyq fronttardyń yqpalynda bolady. Osyǵan baılanysty soltústikte qar, ońtústikte, ońtústik-shyǵysta jaýyn-shashyn (jańbyr, qar) kútiledi. Tek respýblıkanyń batysynda, ońtústik-batysynda jaýyn-shashynsyz aýa raıy bolady, — delingen habarlamada.

Sınoptıkter boljamynsha, Respýblıka boıynsha tuman, soltústiginde, ońtústik-shyǵysynda, shyǵysynda jeldiń kúsheıýi, batysynda, ońtústiginde, ońtústik-shyǵysynda, ortalyǵynda kóktaıǵaq kútiledi.

Eske salsaq, buǵan deıin Qazaqstannyń 15 óńirinde aýa raıyna baılanysty eskertý jarııalandy.