Qazaqstannyń basym bóliginde jaýyn-shashyn bolady

ASTANA. KAZINFORM – Qazgıdromet RMK el aýmaǵynda 3 qarashada bolatyn meteorologııalyq qubylystarǵa boljam jasady. 

Sınoptıkterdiń habarlaýynsha, Qazaqstannyń kóp bóliginde jaýyn-shashyn bolady. Tek Respýblıka boıynsha batys pen ońtústik-shyǵysta antıtsıklonnyń bólik áserinen kóbinese jaýyn-shashynsyz aýa raıy kútiledi.

Elimizdiń aımaqtarynda jel kúsheıip, tuman túsedi dep boljandy. Al respýblıkanyń soltústik-batysynda, soltústiginde, shyǵysynda jáne ortalyǵynda kóktaıǵaq bolýy yqtımal. 

Jambyl oblysynyń batysynda, shyǵysynda, ortalyǵynda, Almaty oblysynyń batysynda, Qyzylorda oblysynyń soltústiginde jáne ortalyǵynda joǵary órt qaýipi dep kútilip otyr. 

Qyzylordada, Túrkistannyń shóldi aýdandarynda, Jambyl oblysynyń soltústiginde, Almatynyń soltústiginde órt qaýipiniń asa joǵary deńgeıi kútiledi. 

Buǵan deıin habarlaǵanymyzdaı, Qazaqstannyń 15 oblysynda aýa raıyna baılanysty eskertý jarııalandy.