Qazaqstannyń basym bóliginde jańbyr, qar jaýady - Qazgıdromet

«Qazgıdromet» RMK-sy qarashanyń 22-si kúngi kún raıy boljamyn jarııalady, dep habarlaıdy Kazinform.

Kásiporyn taratqan derekterge qaraǵanda, Qazaqstan aýmaǵynyń basym bóligine Ońtústik Kaspıı tsıklony jáne onymen baılanysty atmosferalyq aǵyndar áser etedi. Osyǵan baılanysty elimizdiń basym bóliginde jańbyr, qar jaýady. Elimizdiń ońtústiginde qatty jańbyr, batysynda, soltústik-batysynda, taýly aýdandarda qatty jaýyn, qar (jańbyr, qar) jaýady.

Tek elimizdiń shyǵysynda, ońtústik-shyǵysynda ǵana kún jaýyn-shashynsyz bolady. Qazaqstan boıynsha tuman túsip, kóktaıǵaq bolady, jeldiń jyldamdyǵy sekýndyna 23-28 metrge jetedi.

Batys Qazaqstan, Atyraý oblystarynyń batysynda, ońtústiginde, soltústiginde, Qostanaı oblysynyń ońtústiginde, Soltústik Qazaqstan oblysynyń ońtústiginde, shyǵysynda, Aqmola, Mańǵystaý oblystarynyń batysynda, soltústiginde jeldiń kúgi sekýndyna 23-28 metge, keı ýaqyttarda ekpini 30 m/s-ke jetýi múmkin.