Qazaqstannyń basym bóliginde órt qaýpi saqtalady
ASTANA. KAZINFORM — «Qazgıdromet» RMQ 2026 jylǵy 7 tamyzǵa arnalǵan daýyldy eskertý jarııalady. Elimizdiń birqatar óńirinde aptap ystyq saqtalyp, keı jerlerde jańbyr, naızaǵaı, burshaq, ekpindi jel jáne shańdy daýyl kútiledi.
Batys Qazaqstan oblysynda kúndiz aýa temperatýrasy +35...+38°C-qa deıin kóteriledi. Óńirde joǵary órt qaýpi saqtalady, al batysynda, ońtústiginde, shyǵysynda jáne ortalyǵynda tótenshe órt qaýpi jarııalanǵan.
Atyraý oblysy men Atyraý qalasynda kúndiz +35...+38°C aptap ystyq bolady. Óńirde tótenshe órt qaýpi saqtalady.
Qaraǵandy oblysynda túnde jáne tańerteń soltústik pen shyǵysta tuman kútiledi. Soltústik jáne soltústik-shyǵystan soǵatyn jeldiń ekpini oblystyń batysynda 15 m/s-qa deıin jetedi. Shyǵysynda, batysynda jáne ortalyǵynda joǵary órt qaýpi saqtalyp, soltústigi men ońtústiginde de joǵary órt qaýpi kútiledi.
Ulytaý oblysynda kúndiz aýa temperatýrasy +35...+36°C bolady. Soltústik jáne soltústik-shyǵystan soǵatyn jeldiń ekpini soltústik pen shyǵysta 15–20 m/s-qa deıin kúsheıedi. Oblystyń soltústigi men ortalyǵynda joǵary, al ońtústigi men shyǵysynda tótenshe órt qaýpi saqtalady. Jezqazǵan qalasynda kúndiz +35°C ystyq bolyp, joǵary órt qaýpi kútiledi.
Aqtóbe oblysynda kúndiz +35...+38°C aptap ystyq bolady. Soltústik-shyǵys jáne shyǵystan soǵatyn jeldiń ekpini oblystyń soltústik-shyǵysynda 15–18 m/s-qa deıin jetedi. Soltústiginde joǵary, al batysynda, ońtústiginde, ońtústik-shyǵysynda jáne ortalyǵynda tótenshe órt qaýpi saqtalady. Aqtóbe qalasynda kúndiz +35°C, joǵary órt qaýpi kútiledi.
Shyǵys Qazaqstan oblysynda soltústiginde, shyǵysynda jáne ońtústiginde jańbyr jaýyp, naızaǵaı oınaıdy, kúndiz burshaq túsip, daýyldy jel soǵady. Túnde jáne tańerteń tuman kútiledi. Jeldiń ekpini 23 m/s-qa deıin jetedi. Oblystyń soltústik-batysynda, ońtústik-shyǵysynda jáne ortalyǵynda joǵary, al ońtústiginde tótenshe órt qaýpi saqtalady. Óskemende túnde jańbyr men naızaǵaı, túngi jáne tańǵy ýaqytta tuman, kúndiz jeldiń ekpini 15–18 m/s bolady.
Abaı oblysynda batysynda, soltústiginde jáne ońtústiginde jańbyr, naızaǵaı, kúndiz burshaq pen daýyldy jel kútiledi. Túnde jáne tańerteń soltústigi men ortalyǵynda tuman bolady. Jeldiń ekpini 23 m/s-qa deıin jetedi. Ońtústigi men ortalyǵynda joǵary, soltústik-shyǵysynda tótenshe órt qaýpi saqtalady. Semeıde kúndiz jańbyr, naızaǵaı, burshaq, jeldiń ekpini 15–18 m/s jáne joǵary órt qaýpi kútiledi.
Almaty oblysynda kúndiz taýly aýdandarda azdaǵan jańbyr jaýyp, naızaǵaı bolady. Shyǵysynda jáne taýly aımaqtarda jeldiń ekpini 18 m/s-qa deıin kúsheıedi. Kúndiz aýa temperatýrasy +35...+36°C bolady. Batysynda, soltústiginde jáne ońtústiginde tótenshe, shyǵysynda joǵary órt qaýpi saqtalady. Qonaevta kúndiz +35°C bolady. Іle Alataýynda jańbyr, naızaǵaı jáne jeldiń ekpini 18 m/s kútiledi.
Pavlodar oblysynda túnde shyǵysynda, kúndiz soltústigi men shyǵysynda jańbyr, naızaǵaı, burshaq jáne daýyldy jel boljanady. Jeldiń ekpini 15–20 m/s bolady. Ortalyǵynda joǵary órt qaýpi saqtalady. Pavlodarda kúndiz ótkinshi jańbyr, naızaǵaı, burshaq jáne jeldiń ekpini 15–20 m/s kútiledi.
Túrkistan oblysynda kúndiz taýly aýdandarda ótkinshi jańbyr men naızaǵaı bolady. Batysynda jáne taýly aımaqtarda jeldiń ekpini 15–20 m/s-qa deıin jetedi. Kúndiz aýa temperatýrasy +40°C-qa deıin kóteriledi. Oblystyń basym bóliginde tótenshe, shyǵysynda joǵary órt qaýpi saqtalady. Shymkentte tótenshe órt qaýpi jarııalanǵan. Túrkistan qalasynda kúndiz +40°C ystyq bolyp, jeldiń ekpini 15–20 m/s-qa jetedi.
Qostanaı oblysynda túnde jáne tańerteń batysy men soltústiginde tuman kútiledi. Jeldiń ekpini 15–20 m/s-qa deıin kúsheıedi. Batysynda, shyǵysynda jáne ortalyǵynda joǵary, ońtústigi men ońtústik-shyǵysynda tótenshe órt qaýpi saqtalady.
Mańǵystaý oblysynda túnde ortalyǵynda azdaǵan jańbyr men naızaǵaı bolýy múmkin. Ońtústiginde jeldiń ekpini 15–20 m/s-qa deıin jetedi. Kúndiz +38...+40°C aptap ystyq kútiledi. Batysynda joǵary, soltústik-shyǵysynda jáne ortalyǵynda tótenshe órt qaýpi saqtalady. Aqtaýda joǵary órt qaýpi jarııalanǵan.
Qyzylorda oblysy men Qyzylorda qalasynda kúndiz aýa temperatýrasy +40°C-qa deıin kóteriledi. Oblystyń ortalyǵynda shańdy daýyl kútiledi. Jeldiń ekpini 15–20 m/s bolady. Tótenshe órt qaýpi saqtalady.
Jambyl oblysynda kúndiz taýly aýdandarda jańbyr jaýyp, naızaǵaı oınaıdy. Oblystyń ońtústik-batysynda, soltústik-shyǵysynda jáne taýly aımaqtarynda jeldiń ekpini 15–20 m/s-qa deıin jetedi. Óńirdiń basym bóliginde tótenshe, shyǵysy men ońtústiginde joǵary órt qaýpi saqtalady. Tarazda jeldiń ekpini 15–20 m/s bolyp, tótenshe órt qaýpi kútiledi.
Jetisý oblysynda kúndiz taýly aýdandarda ótkinshi jańbyr men naızaǵaı bolady. Alakól kólderi mańynda jeldiń ekpini 15–20 m/s-qa deıin kúsheıedi. Kúndiz aýa temperatýrasy +35...+36°C bolady. Ońtústigi men batysynda joǵary, shyǵysy men ortalyǵynda tótenshe órt qaýpi saqtalady. Taldyqorǵanda kúndiz +35°C jáne tótenshe órt qaýpi kútiledi.
Soltústik Qazaqstan oblysynda túnde jáne tańerteń batysynda tuman túsedi. Jeldiń ekpini soltústigi men shyǵysynda 15–20 m/s bolady. Batysy men soltústiginde joǵary órt qaýpi saqtalady. Petropavlda kúndiz jeldiń ekpini 15–20 m/s-qa jetedi.
Aqmola oblysynda túnde jáne tańerteń batysy men soltústiginde tuman kútiledi. Oblystyń batysynda tótenshe, ortalyǵynda joǵary órt qaýpi saqtalady.
Buǵan deıin sınoptıkter 7 tamyz, juma kúni Qazaqstannyń basym bóliginde aýqymdy antıtsıklonnyń áserinen jaýyn-shashynsyz aýa raıy saqtalatynyn habarlaǵan bolatyn.
Eske sala keteıik, soltústik-batys tsıklony jáne onymen baılanysty atmosferalyq frontaldy júıeler Qazaqstannyń soltústigi men shyǵysynda aýa raıyna yqpalyn saqtaıdy. Osyǵan baılanysty jańbyr jaýyp, naızaǵaı oınaıdy, jel kúsheıedi, keı jerlerde burshaq jaýýy múmkin.
