Qazaqstannyń basym bóliginde naızaǵaı oınap, qatty jel soǵady

Astanada keı ýaqytta jańbyr jaýyp, naızaǵaı oınaıdy. Soltústik jáne soltústik-batystan soqqan jeldiń ekpini 15-20 m/s-qa jetedi.

Shymkentte tótenshe órt qaýpi saqtalady.

Abaı oblysynyń batysy men soltústiginde túnde jańbyr jaýyp, naızaǵaı oınaıdy. Kúndiz oblystyń ortalyǵynda jańbyr, naızaǵaı jáne burshaq boljanady. Soltústik-batystan soqqan jeldiń ekpini túnde batysta, soltústikte jáne ortalyqta, kúndiz shyǵys pen ońtústikte 15-20 m/s bolady. Oblystyń ońtústik-batysynda tótenshe órt qaýpi saqtalady.

Almaty oblysynyń taýly aýdandarynda kúndiz azdaǵan jańbyr jaýyp, naızaǵaı oınaıdy. Taýly aımaqtarda jel ekpini 18 m/s-qa jetedi. Oblystyń ortalyǵynda, batysy men shyǵysynda tótenshe órt qaýpi saqtalady.

Atyraý oblysynda tótenshe órt qaýpi saqtalady.

Aqtóbe oblysynyń batysy men soltústiginde túnde jáne tańerteń tuman túsedi. Oblystyń soltústik-shyǵysynda, soltústik-batysynda jáne ortalyǵynda joǵary órt qaýpi, al jalpy óńir boıynsha tótenshe órt qaýpi saqtalady. Sonymen qatar oblystyń batysy men soltústiginde 1-3 gradýs úsik júrýi múmkin.

Aqmola oblysynyń soltústiginde, ońtústigi men shyǵysynda jańbyr jaýyp, naızaǵaı oınaıdy. Kúndiz shyǵysta qatty jańbyr kútiledi. Túnde jáne tańerteń batysta, soltústikte jáne shyǵysta tuman túsedi. Jeldiń ekpini keı jerlerde 15-20 m/s, ýaqytsha 25 m/s-qa deıin jetedi.

Shyǵys Qazaqstan oblysynyń soltústigi men shyǵysynda jańbyr jaýyp, naızaǵaı oınaıdy, kúndiz burshaq túsýi yqtımal. Soltústik-batystan soqqan jeldiń ekpini batysta, soltústikte jáne shyǵysta 15-20 m/s bolady.

Jambyl oblysynyń taýly aýdandarynda kúndiz ótkinshi jańbyr jaýyp, naızaǵaı oınaıdy. Jeldiń ekpini 15-20 m/s-qa jetedi. Óńirde tótenshe órt qaýpi saqtalady.

Jetisý oblysynyń taýly aýdandarynda ótkinshi jańbyr jaýyp, naızaǵaı oınaıdy. Oblystyń shyǵysynda jel ekpini 15-20 m/s, kúndiz keı ýaqytta 23-28 m/s-qa deıin kúsheıedi. Ortalyq, ońtústik jáne shyǵys aýdandarda tótenshe órt qaýpi saqtalady.

Batys Qazaqstan oblysynyń batysy men soltústiginde túnde jáne tańerteń tuman kútiledi. Óńirde tótenshe órt qaýpi, al soltústik-batysynda joǵary órt qaýpi saqtalady.

Qaraǵandy oblysynyń batysynda, soltústigi men shyǵysynda tańerteń jáne kúndiz jańbyr jaýyp, naızaǵaı oınaıdy, burshaq pen daýyl kútiledi. Túnde jáne tańerteń soltústik pen shyǵysta tuman túsedi. Jel ekpini 15-20 m/s, keı ýaqytta 23 m/s-qa jetedi. Oblystyń ońtústiginde tótenshe órt qaýpi saqtalady.

Qyzylorda oblysynyń soltústiginde, ońtústigi men ortalyǵynda jańbyr, naızaǵaı, daýyl jáne shańdy daýyl boljanady. Jel jyldamdyǵy 15-20 m/s bolady. Oblys boıynsha tótenshe órt qaýpi saqtalady.

Qostanaı oblysynyń batysy men soltústiginde túnde jáne tańerteń tuman túsedi. Soltústik pen shyǵysta jel 15-20 m/s-qa deıin kúsheıedi. Oblystyń soltústik-batysy men shyǵysynda joǵary, al ońtústigi, ońtústik-shyǵysy jáne ortalyǵynda tótenshe órt qaýpi saqtalady.

Mańǵystaý oblysynyń batysy men ortalyǵynda jańbyr jaýyp, naızaǵaı oınaıdy. Soltústik-batysy men ońtústiginde jel ekpini 15-20 m/s bolady. Batysy men soltústiginde tótenshe, ortalyǵynda joǵary órt qaýpi saqtalady.

Pavlodar oblysynyń ońtústigi men shyǵysynda kúndiz qatty jańbyr jaýyp, naızaǵaı oınaıdy jáne burshaq túsýi múmkin. Túnde jáne tańerteń ońtústikte, shyǵysta jáne ortalyqta tuman túsedi. Kúndiz jel ekpini 15-20 m/s-qa jetedi.

Soltústik Qazaqstan oblysynyń shyǵysynda kúndiz jańbyr jaýyp, naızaǵaı oınaıdy, burshaq kútiledi. Túnde jáne tańerteń batysy men soltústiginde tuman túsedi. Kúndiz soltústikte, shyǵysta jáne ońtústikte jel ekpini 15-20 m/s bolady.

Túrkistan oblysynyń soltústigi men taýly aýdandarynda kúndiz ótkinshi jańbyr jaýyp, naızaǵaı oınaıdy. Soltústikte shańdy daýyl kútiledi. Jel ekpini 15-20 m/s-qa jetedi. Óńirde tótenshe órt qaýpi saqtalady.

Ulytaý oblysynyń soltústigi men shyǵysynda kúndiz azdaǵan jańbyr jaýyp, naızaǵaı oınaıdy. Batysta, soltústikte jáne shyǵysta jel ekpini 15-20 m/s-qa jetedi. Oblysta tótenshe órt qaýpi saqtalady.