Qazaqstannyń basym bóliginde kún kúrkirep, jańbyr jaýady, úsik júredi
ASTANA. KAZINFORM – 27 sáýirge Qazaqstan aýmaǵynyń basym bóliginde qolaısyz aýa raıyna baılanysty daýyldy eskertý jarııalandy, dep habarlaıdy Qazgıdromet.
Astanada keı ýaqyttarda tuman túsedi. Túnde topyraq betinde 1 gradýsqa deıin úsik júrýi múmkin.
Almatyda kúndiz jańbyr jaýyp, naızaǵaı kútiledi. Soltústik-batystan soǵatyn jeldiń ekpini 15 m/s-qa deıin jetedi.
Shymkentte soltústik-shyǵystan soqqan jeldiń jyldamdyǵy kúndiz 15-20 m/s bolady.
Abaı oblysynda túnde batys pen soltústikte, kúndiz shyǵys pen ońtústikte jańbyr jaýyp, naızaǵaı oınaıdy. Túnde oblystyń batysynda topyraq betinde 2 gradýsqa deıin úsik júredi. Ortalyq bóliginde joǵary órt qaýpi saqtalady. Jeldiń ekpini túnde 15-20 m/s-qa deıin kúsheıedi.
Aqmola oblysynyń batys, soltústik jáne shyǵys bólikterinde tuman túsedi. Jeldiń ekpini túnde keı jerlerde 15-20 m/s-qa deıin jetedi. Túnde ońtústik jáne shyǵys aýdandarda 3 gradýsqa deıin úsik júredi.
Almaty oblysynda kúndiz ońtústikte jáne taýly aımaqtarda jańbyr, naızaǵaı, keı jerlerde qatty jańbyr, burshaq jáne daýyl kútiledi. Jeldiń ekpini 18-23 m/s-qa deıin kúsheıedi.
Atyraý oblysynda 27 sáýir kúni soltústik pen shyǵysta jańbyr men naızaǵaı bolady. Jeldiń jyldamdyǵy 15-20 m/s-qa deıin jetedi.
Aqtóbe oblysynda ońtústik-shyǵystan soǵatyn jeldiń ekpini kúndiz 15-18 m/s-qa deıin kúsheıedi. Túnde soltústikte 1 gradýsqa deıin úsik júredi.
Shyǵys Qazaqstan oblysynda túnde jańbyr, kúndiz shyǵys pen ońtústikte jańbyr jaýady. Soltústik, shyǵys jáne ońtústik aýdandarda naızaǵaı kútiledi. Jeldiń ekpini 15-20 m/s-qa deıin jetedi. Ońtústik-shyǵysynda joǵary órt qaýpi saqtalady.
Jambyl oblysynyń taýly aýdandarynda jańbyr, naızaǵaı jáne tuman kútiledi. Jeldiń ekpini 15-20 m/s, kúndiz keı jerlerde 25 m/s-qa deıin jetedi.
Jetisý oblysynda kúndiz shyǵysta jáne taýly óńirlerde jańbyr men naızaǵaı bolady. Jeldiń ekpini 15–20 m/s-qa deıin kúsheıedi.
Batys Qazaqstan oblysynda kúndiz batys, soltústik jáne ortalyq bólikterinde jańbyr, naızaǵaı, burshaq kútiledi. Jeldiń ekpini 15-20 m/s, keı ýaqyttarda 23 m/s-qa deıin jetedi.
Qaraǵandy oblysynda túnde soltústik pen shyǵysta jańbyr, naızaǵaı bolady. Túnde jáne tańerteń tuman túsedi. Jeldiń ekpini 15-20 m/s. Túnde keı jerlerde 2 gradýsqa deıin úsik júredi.
Qostanaı oblysynda túnde jáne tańerteń shyǵys pen ońtústikte tuman kútiledi. Túnde batys, ońtústik jáne shyǵys bólikterinde 2 gradýsqa deıin úsik bolady.
Qyzylorda oblysynda kúndiz ońtústik, soltústik jáne ortalyq aýdandarda shańdy daýyl kútiledi. Jeldiń jyldamdyǵy 15-20 m/s-qa deıin jetedi.
Mańǵystaý oblysynda kúndiz batys, ońtústik jáne ortalyq bólikterinde jańbyr men naızaǵaı bolady. Sonymen qatar shańdy daýyl kútiledi. Jeldiń ekpini 15-20 m/s-qa deıin jetedi.
Pavlodar oblysynda túnde jáne tańerteń soltústik pen batysta topyraq betinde 2 gradýsqa deıin úsik júredi.
Soltústik Qazaqstan oblysynda túnde jáne tańerteń batys pen soltústikte tuman kútiledi. Jeldiń ekpini kúndiz 15-20 m/s. Túnde keı jerlerde 2 gradýsqa deıin úsik bolady.
Túrkistan oblysynda batys, soltústik, taý jáne taý bókterinde jeldiń ekpini 15-20 m/s-qa deıin kúsheıedi.
Ulytaý oblysynda túnde jáne tańerteń soltústik, shyǵys jáne ortalyq bólikterinde tuman kútiledi. Túnde topyraq betinde 2 gradýsqa deıin úsik júredi.
