Qazaqstannyń basym bóliginde qar jaýyp, burqasyn bolady

ASTANA. KAZINFORM - «Qazgıdromet» RMK mamandary el aýmaǵynda 31 jeltoqsanda bolatyn qaýipti meteorologııalyq qubylystarǵa boljam jasady.

- Atmosferalyq fronttardyń ótýine baılanysty Qazaqstan terrıtorııasynyń basym bóliginde qar jaýyp, jaıaý burqasyn bolady. Elimizdiń batysynda, ońtústiginde, ońtústik-shyǵysynda jaýyn-shashyn jańbyr jáne qar túrinde túsedi. Elimizdiń ońtústik-shyǵys aımaǵynda qatty qar jaýady, - dep jazdy sınoptıkter.

Respýblıka boıynsha tuman, kóktaıǵaq, jeldiń kúsheıýi kútiledi.

Aıta keteıik, buǵan deıin mereke kúnderi aýa raıy qandaı bolatyny habarlanǵan.