Qazaqstannyń basym bóliginde qar jaýyp, burqasyn bolady
ASTANA. KAZINFORM — «Qazgıdromet» Qazaqstan aımaqtarynda 15 qarashada bolatyn qaýipti meteorologııalyq qubylystarǵa boljaý konsýltatsııasyn jarııalady.
Atmosferalyq frontaldy bólimderdiń ótýimen Qazaqstan Respýblıkasynyń kóp bóliginde qar jaýady.
— Elimizdiń batysynda, ońtústik-batysynda jańbyr men qar túrinde jaýyn-shashyn bolady. Tek eldiń ońtústiginde, ońtústik-shyǵysynda antıtsıklon sileminiń áserinen jaýyn-shashynsyz aýa raıy kútiledi, — delingen habarlamada.
Sınoptıkterdiń boljamynsha, respýblıka boıynsha jeldiń kúsheıýi, soltústik-batysynda, soltústiginde, shyǵysynda burqasynmen, soltústik-batysynda, ońtústiginde, ońtústik-shyǵysynda tuman, batysynda, eldiń soltústik-batysynda kóktaıǵaq kútiledi.
Buǵan deıin habarlaǵanymyzdaı, qazaqstandyqtarǵa qolaısyz aýa raıyna baılanysty eskertý jasaldy.
