Qazaqstannyń basym bóliginde boran soǵyp, kóktaıǵaq bolady – Qazgıdromet
ASTANA. KAZINFORM – Erteń, ıaǵnı 24 jeltoqsanda Qazaqstan aýmaǵynyń basym bóliginde soltústik-batys tsıklon jáne onymen baılanysty atmosferalyq frontaldy bólikterdiń yqpaly saqtalady, dep habarlaıdy «Qazgıdromet».
Sınoptıkterdiń boljamynsha, birqatar aımaqta qarly boran bolady.
Elimizdiń soltústiginde, batysynda jáne ońtústik-batysynda jaýyn-shashyn qar men jańbyr túrinde túsedi. Sondaı-aq Qazaqstannyń ońtústiginde, ońtústik-shyǵysynda jáne shyǵysynda antıtsıklonnyń áserinen jaýyn-shashynsyz qurǵaq aýa raıy saqtalady.
Respýblıka boıynsha tuman, kóktaıǵaq, ekpindi jel bolady dep kútiledi.
Buǵan deıin aldaǵy úsh kúnde aýa raıy qandaı bolatynyn jazǵan edik.
