Qazaqstannyń basym bóliginde aýa raıyna baılanysty eskertý jarııalandy

ASTANA. KAZINFORM – «Qazgıdromet» RMK-sy elimizdiń birqatar óńirine aýa raıyna baılanysty eskertý jasady. 

30 maýsymda Astanada naızaǵaı kútiledi.

Aqmola oblysynda túnde naızaǵaı jarqyldaıdy. Kúndiz oblystyń soltústiginde, ońtústiginde jáne shyǵysynda jasyn oınap, burshaq jaýýy múmkin. Túnde jáne oblystyń soltústigi men batysynda tuman kútiledi. 

Qaraǵandy ​​oblysynyń soltústigi men shyǵysynda kúndiz jańbyr jaýady. Túnde oblystyń batysynda, soltústiginde jáne shyǵysynda naızaǵaı oınap, burshaq jaýýy múmkin. Kúndiz oblystyń soltústigi men shyǵysynda burshaq jaýýy múmkin. 

Pavlodar oblysynyń soltústiginde kúndiz qatty jańbyr jaýyp, burshaq jaýýy múmkin, naızaǵaı oınaıdy. Túnde oblystyń soltústiginde tuman kútiledi. 

Soltústik Qazaqstan oblysynyń soltústigi men shyǵysynda túnde naızaǵaı kútiledi. Kúndiz oblystyń soltústiginde, ońtústiginde jáne shyǵysynda naızaǵaı oınap, burshaq jaýýy múmkin. Túnde jáne tańerteń oblystyń batysynda, soltústiginde jáne ońtústiginde tuman bolýy yqtımal. 

Qostanaı oblysynyń soltústiginde jáne shyǵysynda tańerteń jáne kúndiz naızaǵaı kútiledi. Túnde oblystyń soltústigi men shyǵysyna tuman túsýi múmkin. Oblystyń ońtústik-batysynda óte joǵary órt qaýpi saqtalady. 

Kúndiz Abaı aýdanynyń batysynda jáne ortalyǵynda jaýyn-shashyn bolady. Túnde oblystyń soltústiginde, ońtústiginde jáne ortalyǵynda naızaǵaı oınaıdy. Jańbyr sońy burshaqqa ulasýy múmkin. 

Shyǵys Qazaqstan oblysynyń soltústigi men shyǵysynda kúndiz jańbyr jaýady. Túnde oblystyń batysynda, soltústiginde jáne shyǵysynda naızaǵaı oınaıdy. Oblystyń batysynda, soltústiginde jáne shyǵysynda burshaq jaýýy yqtımal. 

Jetisý oblysynyń ortalyǵynda jáne taýly aımaqtarda túnde naızaǵaı kútiledi.

Almaty oblysynyń taýly jáne taý bókterindegi aımaqtarynda naızaǵaı oınaıdy dep boljanyp otyr. 

Jambyl oblysynyń taýly aımaqtarynda soltústik-batystan 15-20 m/s jel soǵady. Oblysta joǵary órt qaýpi saqtalady. 

Túrkistan oblysynyń soltústiginde shańdy daýyl turady. Soltústik-batystan soǵatyn jeldiń kúshi - 15-20 m/s. Joǵary órt qaýpi saqtalady. 

Qyzylorda oblysynda da órt qaýpi joǵary. 

30 maýsymda Mańǵystaý oblysynyń batysynda jáne soltústiginde naızaǵaı kútiledi. Soltústik-batys, ońtústik-batys jáne ortalyqta joǵary órt qaýpi saqtalady.

Túnde Batys Qazaqstan oblysynyń batysynda, soltústiginde naızaǵaı oınaýy yqtımal. Kúndiz  burshaq kútiledi. Soltústik-batystan soǵatyn jel ońtústik-shyǵysqa aýysady, ekpini - 15-20 m/s.

Atyraý oblysynyń batysynda jáne soltústiginde naızaǵaı kútiledi. Kúndiz oblystyń batysynda jáne soltústiginde ońtústik-batystan soǵatyn jeldiń ekpini - 15-20 m/s. Oblystyń ońtústiginde joǵary órt qaýpi saqtalady.

Aqtóbe oblysynyń ortalyǵynda joǵary órt qaýpi saqtalady.