Qazaqstannyń basym bóliginde aýa raıyna baılanysty eskertý jarııalandy

ASTANA. KAZINFORM – Sınoptıkter 11 qańtar kúni Qazaqstannyń 15 oblysynda jáne Astanada aýa raıynyń qolaısyzdyǵyna baılanysty eskertý jarııalady. 

Túnde jáne kúndiz Qyzylorda oblysynyń soltústiginde, ortalyǵynda kóktaıǵaq, al oblystyń soltústiginde, ortalyǵynda tuman bolady dep kútiledi. Kúndiz oblystyń shyǵysynda, ortalyǵynda ońtústik-shyǵystan soqqan jeldiń ekpini 15-20 m/s quraıdy. Qyzylordada 11 qańtarda kúndiz kóktaıǵaq, keı ýaqytta tuman bolady dep boljanady.

Astanada 11 qańtarda kúndiz kóktaıǵaq bolatyny boljanady.

Atyraý oblysynyń soltústiginde, batysynda, ońtústiginde jáne ortalyǵynda da tuman, kóktaıǵaq bolady dep kútiledi.

Kúndiz Aqmola oblysynyń batysynda, soltústiginde, ońtústiginde kóktaıǵaq, al oblystyń batysynda, soltústiginde, shyǵysynda tuman bolady dep kútiledi.

Túrkistan oblysynyń batysynda, soltústiginde, taýly aýdandarynda tuman túsedi dep boljanady. Oblystyń taýly aýdandarynda ońtústik-batystan soqqan jeldiń ekpini 15-20 m/s, keı tusta 23 m/s deıin jetedi. Túrkistanda 11 qańtarda túnde jáne tańerteń tuman bolady dep kútiledi.

Túnde Mańǵystaý oblysynyń batysynda, ońtústiginde kóktaıǵaq, oblystyń batysynda, soltústiginde, ortalyǵynda tuman bolady dep kútiledi. Aqtaýda 11 qańtarda túnde jáne tańerteń tuman túsý yqtımaldylyǵy joǵary.

Túnde jáne kúndiz Aqtóbe oblysynyń soltústiginde, shyǵysynda kóktaıǵaq, oblystyń soltústiginde, shyǵysynda, ortalyǵynda tuman bolady dep kútiledi. Aqtóbede 11 qańtarda kóktaıǵaq bolatyny boljanady.

Kúndiz Qostanaı oblysynyń soltústiginde, shyǵysynda, túnde oblystyń batysynda, soltústiginde qar jaýyp, jaıaý burqasyn júredi, azdap jaýyn-shashyn (jańbyr, qar), kóktaıǵaq bolady, al oblystyń batysynda, soltústiginde tuman túsedi dep kútiledi. Kúndiz oblystyń soltústiginde, shyǵysynda ońtústik-shyǵystan soltústik-shyǵysqa oıysa soqqan jeldiń ekpini 15-20 m/s qamtıdy. Qostanaıda 11 qańtarda tańerteń jáne kúndiz qar jaýyp, burqasyn júredi, kóktaıǵaq, tuman bolyp, kúndiz ońtústik-shyǵystan soltústik-shyǵysqa oıysa soqqan jeldiń ekpini 15-20 m/s quraıdy.

Kúndiz Soltústik Qazaqstan oblysynyń batysynda, ońtústiginde qar jaýyp, jaıaý burqasyn júredi, kóktaıǵaq bolady, oblystyń batysynda, ońtústiginde tuman túsedi dep kútiledi.

Túnde jáne tańerteń Pavlodar oblysynyń soltústiginde, shyǵysynda, batysynda tuman túsedi dep boljanady.

Kúndiz Ulytaý oblysynyń batysynda, soltústiginde, ortalyǵynda kóktaıǵaq, oblystyń soltústiginde, shyǵysynda tuman bolady dep kútiledi. Ońtústik-shyǵystan ońtústik-batysqa oıysa jel soǵady, kúndiz oblystyń shyǵysyndaǵy ekpini - 15-20 m/s. Jezqazǵanda 11 qańtarda kúndiz kóktaıǵaq bolady dep kútiledi.

Kúndiz Qaraǵandy oblysynyń batysynda, soltústiginde kóktaıǵaq, oblystyń soltústiginde, shyǵysynda tuman bolady dep boljanady. Kúndiz oblystyń batysynda, soltústiginde, shyǵysynda ońtústikten, ońtústik-batystan jel soǵady, ekpini - 15-20 m/s.

Túnde Batys Qazaqstan oblysynyń shyǵysynda qar jaýyp, jaıaý burqasyn júredi, oblystyń soltústiginde, ońtústiginde, shyǵysynda tuman, kóktaıǵaq bolady dep kútiledi. Oralda 11 qańtarda túnde jáne tańerteń tuman, kóktaıǵaq bolady dep boljanady.

Túnde jáne tańerteń Jetisý oblysynyń shyǵysynda, ortalyǵynda, taýly aýdandarynda keı ýaqyttarda tuman bolady dep kútiledi. Soltústik-shyǵystan jel soǵady, Alakól kólderi aýdanyndaǵy ekpini 15-20 m/s, keı tusta 23-28 m/s deıin jetedi.

Shyǵys Qazaqstan oblysynyń ońtústiginde tuman túsedi dep kútiledi. Oblystyń soltústiginde, ońtústik-shyǵysynda shyǵystan, ońtústik-shyǵystan soqqan jeldiń ekpini 15-20 m/s quraıdy. Óskemende 11 qańtarda ońtústik-shyǵystan jel soǵady, ekpini - 15-18 m/s.

Abaı oblysynyń ońtústiginde tuman túsedi dep kútiledi. Oblystyń batysynda, soltústiginde, ortalyǵynda ońtústik-shyǵystan, ońtústikten soqqan jeldiń ekpini 15-20 m/s, keı tusta 23 m/s deıin jetedi.

Buǵan deıin kóktaıǵaqta qulap zardap shekken adam qalaı ótemaqy ala alatynyn jazǵanbyz.