Qazaqstannyń Bas prokýratýrasy Epshteın faıldaryndaǵy habarlamany tekserip jatyr
ASTANA. KAZINFORM – QR Bas prokýrorynyń orynbasary Erlan Ótegenov qazaqstandyq sheneýnikterdiń Djeffrı Epshteınmen baılanysy jóninde tergeýdiń barysy týraly aıtty. Onyń sózine qaraǵanda,tekserý depýtattyq saýal aıasynda júrip jatyr. Bul rette derekterdiń aýqymdy kólemi qamtylyp otyr.
– Úsh mıllıonǵa jýyq habarlama bar jáne olar tolyq formatta emes. Qazir derekterdi tolyq zerttep jatyrmyz. Bul turǵyda Qazaqstan azamattaryna qatysty jáne jalpy Qazaqstan týraly aıtylǵan tustary qaralady, - dedi E. Ótegenov Senatta tilshiler suraǵyna jaýap bere otyryp.
Ol osy is boıynsha burynǵy Premer-mınıstr Kárim Másimov pen Ulttyq banktiń eks-basshysy Qaırat Kelimbetovtiń qatysy bar-joǵyn tekserý jalǵasyp jatqanyn aıtty. Bas prokýrordyń orynbasary atalǵan tekserýdiń aıaqtalý merzimin naqtylamady.
Onyń aıtýynsha, aqparattyń aıtarlyqtaı kólemdi bolýyna baılanysty jan-jaqty taldaý júrgizý kerek.
Eske salsaq bıyl aqpan aıynda Májilis depýtaty Ashat Rahymjanov elimizdiń burynǵy joǵary laýazymdy eks-sheneýnikteriniń Djeffı Epshteınmen baılanystaryn tekserý qajet aıtty.
Bas prokýror Berik Asylov elde Epshteın isi boıynsha tekserý bastalǵanyn málimdedi.
