Qazaqstannyń barlyq óńirinde kún raıyna baılanysty eskertý jasaldy

ASTANA. KAZINFORM — Elimizdiń 17 oblysynda, sonymen qatar megapolısterde aýa raıynyń nasharlaýyna baılanysty daýyldy eskertý jarııalandy, dep habarlaıdy «Qazgıdromet» RMK.

Túnde Almaty oblysynyń ońtústiginde, taýly aýdandarynda burshaq kútiledi. Jel ońtústik-batys baǵyttan soltústik-batys baǵytqa aýysady, túnde jáne tańerteń oblystyń ońtústiginde, taýly aýdandarynda ekpini 18-23, keı ýaqytta 28 m/s jetedi. Almaty qalasynda túnde burshaq jaýady. Jel ońtústik-batys baǵyttan soltústik-batys baǵytqa aýysady, túnde ekpini 18-23 m/s jetýi yqtımal. Qonaev qalasynda túnde burshaq jaýady. Jel ońtústik-batys baǵyttan soltústik-batys baǵytqa aýysady, túnde ekpini 18-23, keı ýaqytta jyldamdyǵy 28 m/s jetýi múmkin.

Túnde Ulytaý oblysynyń shyǵysynda keı ýaqytta jańbyr quıady. Kúndiz oblystyń soltústiginde, shyǵysynda naızaǵaı oınaıdy. Túnde jáne tańerteń oblystyń soltústiginde tuman túsedi. Ońtústik-batystan soǵatyn jel soltústik-batysqa aýysady, túnde oblystyń batysynda, shyǵysynda ońtústiginde, kúndiz oblystyń shyǵysynda ekpini 15-20 m/s jetedi. Jezqazǵan qalasynda túnde naızaǵaı oınaıdy. Ońtústik-batystan soǵatyn jel soltústik-batysqa aýysady, túnde ekpini 15-20 m/s jetýi yqtımal.

Jetisý oblysynyń shyǵysynda, taýly aýdandarynda túnde jáne tańerteń tuman túsedi. Ońtústik-batystan jel soǵady, oblystyń soltústiginde, shyǵysynda ekpini 15-20, kúndiz keı ýaqytta 25 m/s jetedi. Taldyqorǵan qalasynda ońtústik-batystan jel soǵady, kúndiz ekpini 15 m/s deıin barady.

Túnde Qaraǵandy oblysynyń batysynda, ortalyǵynda keı ýaqytta jańbyr quıady. Kúndiz oblystyń batysynda, soltústiginde, shyǵysynda naızaǵaı oınaıdy. Túnde jáne tańerteń oblystyń batysynda, soltústiginde tuman kútiledi. Ońtústik-batystan, batystan jel soǵady, oblystyń batysynda, shyǵysynda, ońtústiginde ekpini 15-20, kúndiz keı ýaqytta 23 m/s deıin jetýi múmkin.

Túnniń birinshi jartysynda Túrkistan oblysynyń taýly aýdandarynda naızaǵaı oınaıdy. Batystan, soltústik-batystan jel soǵady, túnde oblystyń soltústiginde, batysynda, taýly aýdandarynda 15-20, ekpini 23 m/s deıin jetedi. Túrkistan qalasynda batystan, soltústik-batystan jel soǵady, túnde ekpini 15-20 m/s deıin barýy múmkin.

Batys Qazaqstan oblysynyń batysynda, soltústiginde naızaǵaı oınaıdy. Jel ońtústikten, ońtústik-shyǵystan soǵady, kúndiz oblystyń batysynda, soltústiginde, ońtústiginde ekpini 15-20 m/s jetedi. Oral qalasynda kúndiz naızaǵaı kútiledi. Jel ońtústikten, ońtústik-shyǵystan soǵady, kúndiz ekpini 18 m/s deıin barady.

Túnde Aqmola oblysynda kúndiz oblystyń batysynda, ońtústiginde, shyǵysynda naızaǵaı oınaıdy. Túnde jáne tańerteń oblystyń batysynda, soltústiginde, ońtústiginde tuman kútiledi. Ońtústik-batystan soǵatyn jel soltústik-batysqa aýysady, oblystyń ońtústiginde, shyǵysynda ekpini 15-20 m/s deıin jetýi yqtımal.

Túnde jáne tańerteń Aqtóbe oblysynyń soltústiginde, ortalyǵynda tuman túsedi. Ońtústik-batystan, ońtústikten jel soǵady, túnde oblystyń ońtústik-shyǵysynda ekpini 15-20 m/s deıin jetedi.

Abaı oblysynyń soltústiginde, shyǵysynda, ońtústiginde jańbyr quıady, oblystyń batysynda, soltústiginde, ońtústiginde naızaǵaı oınaıdy. Jel ońtústikten, ońtústik-batystan soǵady, túnde oblystyń batysynda, ortalyǵynda 15-20 m/s, kúndiz 15-20, oblystyń batysynda, soltústiginde, ortalyǵynda ekpini 23-28 m/s deıin jetedi. Semeı qalasynda naızaǵaı kútiledi. Jel ońtústikten, ońtústik-batystan soǵady, ekpini 15-20 m/s deıin barady.

Kúndiz Shyǵys Qazaqstan oblysynyń soltústiginde, shyǵysynda jańbyr quıady. Túnde oblystyń batysynda, soltústiginde, kúndiz oblystyń batysynda, soltústiginde, ońtústiginde naızaǵaı oınaıdy. Jel ońtústik-shyǵystan, ońtústikten soǵady, oblystyń soltústiginde, ońtústiginde, ortalyǵynda 15-20, kúndiz ekpini 25 m/s deıin jetedi. Óskemen qalasynda tańerteń jáne kúndiz naızaǵaı oınaıdy. Jel ońtústik-shyǵystan, ońtústikten soǵady, ekpini 15-20 m/s deıin barýy múmkin.

Tańerteń jáne kúndiz Pavlodar oblysynyń ońtútiginde, shyǵysynda naızaǵaı kútiledi. Batystan jel soǵady, tańerteń jáne kúndiz oblystyń ońtústiginde, shyǵysynda ekpini 15-20 m/s deıin jetýi yqtımal. Pavlodarda tańerteń jáne kúndiz naızaǵaı oınaıdy. Batystan jel soǵady, tańerteń jáne kúndiz ekpini 15-20 m/s deıin jetedi.

Qyzylorda oblysynda jel batystan soǵady, túnde oblystyń soltústiginde, ortalyǵynda 15-20 m/s deıin jetýi múmkin.

Túnde jáne tańerteń Atyraý oblysynyń ońtústiginde, shyǵysynda tuman túsedi. Ońtústik-batystan ońtústik-shyǵysqa aýysyp jel soǵady, kúndiz oblystyń soltústiginde, ońtústiginde ekpini 15-20 m/s deıin jetedi. Atyraý qalasynda ońtústik-batystan ońtústik-shyǵysqa aýysyp, jel soǵady, kúndiz ekpini 15-18 m/s deıin barady.

Astana qalasynda keı ýaqytta naızaǵaı oınaıdy. Túnde jáne tańerteń tuman basady.

Soltústik Qazaqstan oblysynda túnde jáne tańerteń batysynda, soltústiginde tuman kútiledi. Kúndiz oblystyń batysynda, ońtústiginde naızaǵaı oınaıdy. Soltústik-batystan, soltústikten jel soǵady, kúndiz oblystyń batysynda, soltústiginde, ońtústiginde ekpini 15-20 m/s deıin jetedi. Petropavl qalasynda túnde jáne tańerteń tuman túsedi. Soltústik-batystan, soltústikten jel soǵady, kúndiz ekpini 15-20 m/s deıin jetedi.

Jambyl oblysynyń taýly aýdandarynda naızaǵaı oınaıdy. Oblystyń ońtústiginde, taýly aýdandarynda tuman kútiledi. Ońtústik-batystan soǵatyn jel soltústik-batysqa aýysady, oblystyń ońtústik-batysynda, soltústik-shyǵysynda, taýly aýdandarynda 15-20 m/s, túnde ekpini 23-28 m/s deıin jetedi. Taraz qalasynda ońtústik-batystan soǵatyn jel soltústik-batysqa aýysady, túnde ekpini 15-20 m/s deıin barady.

Qostanaı oblysynyń batysynda, ońtústiginde, shyǵysynda naızaǵaı kútiledi. Túnde jáne tańerteń oblystyń batysynda, soltústiginde tuman túsedi.

Túnde jáne tańerteń Mańǵystaý oblysynyń batysyn, ortalyǵyn tuman basady. Ońtústik-shyǵystan soǵatyn jel soltústik-batysqa aýysady, kúndiz oblystyń soltústiginde, ońtústiginde 15-20 m/s deıin jetýi múmkin. Aqtaý qalasynda túnde jáne tańerteń tuman túsedi.

Buǵan deıin habarlanǵandaı, Qyzylordada sáýir aıynyń aýa raıy boljamy jarııalandy.