Qazaqstannyń barlyq óńirinde daýyldy eskertý jarııalandy

ASTANA. KAZINFORM — 29 jeltoqsanda elimizdiń basym aımaqtarynda kóktaıǵaq, burqasyn bolyp, aıaz túsedi, ekpindi jel kútiledi, dep jady Qazgıdromet. 

29 jeltoqsanǵa qaraǵan túni jáne tańerteń Qyzylorda oblysynda joldarda kóktaıǵaq kútiledi. Oblystyń soltústigi men ortalyǵynda tuman túsedi. Kúndiz jel ońtústik-shyǵystan soǵyp, soltústik pen ortalyqta jyldamdyǵy 15–20 m/s-qa deıin jetedi.

Batys Qazaqstan oblysynyń soltústigi men shyǵysynda túnde, al batysy men soltústiginde kúndiz qar jaýyp, tómengi boran bolady. Batys, soltústik jáne shyǵys bólikterinde tuman men kóktaıǵaq kútiledi. Túnde oblystyń batysynda ońtústik jáne ońtústik-batys baǵyttaǵy jeldiń ekpini 15–20 m/s-qa jetedi.

Almaty oblysynyń soltústiginde, ońtústiginde jáne taýly aýdandarynda túnde jáne tańerteń tuman túsip, joldarda kóktaıǵaq bolady. Kúndiz oblystyń batysynda shyǵystan soqqan jeldiń ekpini 15–20 m/s-qa deıin kúsheıedi.

Aqmola oblysynyń batysy men soltústiginde kúndiz qar jaýyp, boran soǵyp, kóktaıǵaq bolady. Sondaı-aq osy óńirlerde tuman kútiledi. Jel ońtústik jáne ońtústik-shyǵystan soǵyp, batys, soltústik jáne shyǵysta 15–20 m/s-qa deıin jetedi.

Ulytaý oblysynyń soltústiginde, ońtústiginde jáne ortalyǵynda kúnniń sońyna qaraı qar jaýyp, boran soǵyp, kóktaıǵaq bolady. Atalǵan aýmaqtarda tuman kútiledi. Soltústik pen shyǵysta ońtústik-shyǵys jeli 15–20 m/s-qa deıin kúsheıedi.

Mańǵystaý oblysynyń ońtústiginde, soltústiginde jáne ortalyǵynda kóktaıǵaq pen tuman kútiledi.

Qaraǵandy oblysynyń ońtústiginde túnde azdaǵan qar jaýyp, tómengi boran men kóktaıǵaq bolady. Oblystyń soltústigi, shyǵysy jáne ońtústiginde tuman túsedi.

Túrkistan oblysynyń taýly aımaqtarynda tuman kútiledi. Taýly asýlarda ońtústik-shyǵys baǵyttaǵy jeldiń jyldamdyǵy 15–20 m/s-qa jetedi.

Atyraý oblysynyń batysynda, soltústiginde, shyǵysynda jáne ońtústiginde tuman men kóktaıǵaq bolady.

Qostanaı oblysynyń batysynda, soltústiginde jáne shyǵysynda qar jaýyp, tómengi boran men kóktaıǵaq kútiledi. Batys, soltústik jáne ońtústiginde tuman bolady. Ońtústik-batys baǵyttaǵy jeldiń ekpini 15–20 m/s.

Aqtóbe oblysynda túnde qar jaýyp, boran men kóktaıǵaq bolady, soltústik pen shyǵysta keı ýaqytta qatty qar kútiledi. Kúndiz soltústik, shyǵys jáne ońtústiginde qar men tómengi boran jalǵasady. Soltústik pen batysta tuman túsedi. Jel ońtústik-shyǵystan soltústik-batysqa aýysyp, túnde ońtústik pen shyǵysta ekpini 15–18 m/s bolady.

Pavlodar oblysynyń ońtústigi men shyǵysynda túnde tuman kútiledi. Oblystyń batysy, soltústigi jáne ońtústiginde ońtústik-shyǵys jeli 15–20 m/s-qa deıin kúsheıedi.

Jetisý oblysynyń batysynda, shyǵysynda, ortalyǵynda jáne taýly aýdandarynda túnde jáne tańerteń tuman kútiledi. Oblystyń shyǵysynda soltústik-shyǵys baǵyttaǵy jeldiń ekpini 15–20 m/s.

Soltústik Qazaqstan oblysynyń batysynda, soltústiginde jáne ońtústiginde kúndiz qar jaýyp, tómengi boran men kóktaıǵaq bolady. Ońtústik jáne ońtústik-shyǵys jeliniń ekpini 15–20 m/s.

Abaı oblysynyń ońtústigi men shyǵysynda tuman kútiledi. Soltústigi men ortalyǵynda ońtústik-shyǵys jeli 15–20 m/s, al Jarma aýdanynda kúndiz jeldiń ekpini 23 m/s-qa deıin jetedi.

Jambyl oblysynyń soltústiginde, ońtústiginde jáne taýly aımaqtarynda tuman men kóktaıǵaq bolady. Ońtústik-shyǵys baǵyttaǵy jel oblystyń ońtústik-batysynda, soltústik-shyǵysynda jáne taýly óńirlerinde 15–20 m/s-qa deıin kúsheıedi.

Shyǵys Qazaqstan oblysynyń ońtústiginde tuman kútiledi.