Qazaqstannyń barlyq óńirinde aýa raıyna baılanysty eskertý jarııalandy

ASTANA. KAZINFORM – Sınoptıkter 18 qańtarda elde burqasyn, kóktaıǵaq, tuman bolady dep boljap otyr. Bul týraly «Qazgıdromet» RMK habarlady.

Túnde Abaı aýdanynda burqasyn bolady. Kúndiz shyǵys, ońtústik jáne oblys ortalyǵynda kóktaıǵaq, burqasyn bolady. Jel ońtústikten soǵady, batysta, ońtústik-batysta, soltústikte jáne oblys ortalyǵynda kúshi 15-20 m/s, túnde ekpini 23 m/s deıin jetedi.

Aqmola oblysynyń batysynda, soltústiginde jáne shyǵysynda burqasyn soǵady.

Aqtóbe oblysynyń batysy men ońtústiginde kóktaıǵaq bolady.

Almaty oblysynyń soltústik-batysynda keı jerlerde tuman túsip, joldarda kóktaıǵaq bolady.

Atyraý oblysynyń soltústiginde, ońtústiginde jáne shyǵysynda kóktaıǵaq bolyp, tuman túsedi.

Shyǵys Qazaqstan oblysynyń soltústigi men shyǵysynda nóser jaýyn, qar aralas jańbyr jaýady. Boran soǵyp, kóktaıǵaq bolady. Ońtústik-shyǵystan soǵatyn jel oblystyń soltústigi men shyǵysynda ońtústik-batysqa aýysady, kúshi 15-20 m/s.

Jambyl oblysynyń soltústiginde, ońtústiginde, taýly aımaqtarynda tuman túsip, kóktaıǵaq bolady. 18-19 qańtarda oblystyń taýly aýdandarynda soltústik-shyǵystan soǵatyn jel ońtústik-shyǵysqa aýysady, kúshi 15-20 m/s.

Kúndiz Jetisý oblysynyń soltústiginde kóktaıǵaq bolady.

Batys Qazaqstan oblysynda qar jaýady. Kúndiz oblystyń ońtústiginde, shyǵysynda jáne ortalyǵynda kóktaıǵaq bolady. Túnde jáne tańerteń oblystyń batysynda, soltústiginde jáne ońtústiginde tuman túsedi.

Qaraǵandy oblysynyń soltústiginde, shyǵysynda jáne ońtústiginde túnde, batysynda, soltústiginde jáne shyǵysynda kúndiz kóktaıǵaq bolady. Oblystyń shyǵysy men ońtústiginde keı jerlerde tuman túsedi.

Qostanaı oblysynyń ońtústigi men ońtústik-shyǵysynda burqasyndatady. Oblystyń batysynda, soltústiginde jáne shyǵysynda tuman túsedi.

Qyzylorda oblysynyń soltústiginde, shyǵysynda jáne ortalyǵynda tuman túsip, kóktaıǵaq bolady.

Mańǵystaý oblysynyń batysynda, soltústiginde jáne ortalyǵynda kóktaıǵaq, tuman kútiledi. Ońtústik-batystan soǵatyn jel ekpini batysta, oblystyń ońtústiginde 15-20 m/s.

Pavlodar oblysynyń soltústigi men shyǵysynda burqasyn kútiledi.

Soltústik Qazaqstan oblysynyń ońtústigi men shyǵysynda qarly boran soǵady. Túnde jáne tańerteń oblystyń batysynda tuman túsedi.

Túnde Túrkistan oblysynyń taýly aımaqtarynda nóserletedi, jańbyr aralas qar jaýyp, kóktaıǵaq bolady. Oblystyń soltústiginde, batysynda, ońtústiginde, taýly jáne taý etegindegi aýdandarynda tuman túsedi. Oblystyń taýly asýlarynda ońtústik-batystan 15-20 m/s jel soǵady.

Kúndiz Ulytaý oblysynyń soltústiginde, shyǵysynda jáne ońtústiginde kóktaıǵaq bolady.

Aıta keteıik, Shyǵys Qazaqstan oblysynda qar kóshkini qaýpine baılanysty joldardyń birinde kólik qozǵalysyna tyıym salyndy.

Sonymen qatar QazAvtoJol aýa raıyna baılanysty Aqtóbe jáne Shyǵys Qazaqstan oblystarynda jol jabylatynyn habarlady.