Qazaqstannyń Azıadadaǵy 84 medali: qaı sportshylar tarıhqa endi

2023 jyly Hanchjoýda ótken Azııa oıyndarynda Qazaqstan 11-oryn alǵan edi. Osylaısha, ulttyq qurama aldyńǵy Azıadamen salystyrǵanda úsh saty joǵarylap, altyn medal sanyn arttyrdy. Qazaqstan quramasy bıylǵy Azııa oıyndarynda birqatar olımpıadalyq sport túrinen el tarıhynda buryn-sońdy bolmaǵan nátıjelerge qol jetkizdi.

Bıylǵy Oıyndardyń basty jetistikteriniń biri retinde boksshylardyń 12 jyldyq úzilisten keıin Azııa oıyndarynyń altyn júldesin jeńip alǵanyn aıtýǵa bolady. Buǵan deıin ulttyq qurama Azıada altynyn sońǵy ret 2014 jyly jeńip alǵan bolatyn. Keıingi eki Azııa oıyndarynda qazaqstandyq boksshylar chempıon atana almady.

Japonııada 70 kelige deıingi salmaqta Tórehan Sabyrhan jáne 90 keliden joǵary salmaqta ulttyq qurama kapıtany Aıbek Oralbaı chempıon atandy.

Sapymen semserlesýden Qazaqstan erler quramasy Azıada tarıhyndaǵy alǵashqy altyn medalin jeńip aldy. Fınalda otandastarymyz Koreıa Respýblıkasynyń quramasyn 43:42 esebimen utty.

Qarsylas komanda sapynda jekeleı synda Rıo-2016 Olımpıadasynyń chempıony atanǵan Pak San En da óner kórsetti. Bul jeńis qazaqstandyq semserlesýshiler úshin tarıhı jeńisterdiń zańdy jalǵasy boldy.

Ulttyq qurama áýeli Azııa chempıonatynda top jaryp, keıin alǵash ret álem chempıony atandy, endi Azııa oıyndarynyń altynyn ıelendi. Buǵan deıin bir maýsymda mundaı nátıjege eshbir qurama qol jetkizbegen. 

Akademııalyq esýden Vladıslav ıAkovlev pen Ivan Chernýhın Qazaqstanǵa Azııa oıyndaryndaǵy alǵashqy altyn medaldi syılady. Olar erler arasyndaǵy qos eskekti qaıyq jarysynda jeńiske jetti.

Taekvondodan Temirlan Tileýles 58 kelige deıingi salmaqta top jaryp, Qazaqstan tarıhyndaǵy osy sport túrinen Azıadanyń tuńǵysh altyn medalin jeńip aldy.

Veloshabandoz Alekseı Lýtsenko da tarıhı kórsetkishke qol jetkizdi.

Ol jazǵy Azııa oıyndaryndaǵy altyn medaldarynyń sanyn altyǵa jetkizip, Azıadadaǵy jeńis sany boıynsha Qazaqstannyń eń ataqty sportshysyna aınaldy.

Al Rınata Sultanova jekeleı jarysta top jaryp, Qazaqstan áıelder velosporty tarıhynda Azııa oıyndarynyń altynyn jeńip alǵan alǵashqy sportshy atandy. 

Karateden Jolaman Bıǵabyl men Sofıa Berýltseva el qorjynyna eki altyn medal saldy.

Berýltseva úshin bul – Azııa oıyndaryndaǵy ekinshi chempıondyq ataq.

Azııa oıyndarynyń baǵdarlamasyna alǵash ret engen aralas jekpe-jekte de Qazaqstan birden úzdikter qatarynan kórindi.

Erkinǵalı Búrkitáli men Qadyrbek Shynbaev chempıon atansa, Sanjar Ádilov qola medal ıelendi. 

Dzıýdodan Qazaqstan quramasy alǵash ret jekeleı synda tórt fınalǵa shyqty.

Eldos Smetov, Ábıba Ábýjaqynova, Ádilet Almat jáne Ajar Ashat fınalda japonııalyq qarsylastaryna ese jiberip, kúmis júldeger atandy.

Sondaı-aq Ulttyq qurama aralas komandalyq synda da kúmis medal jeńip aldy. Qazaqstan qatysqan bes fınaldyń barlyǵynda Japonııa balýandarymen beldesti.

Sporttyq gımnastıkadan Mılad Karımı erkin jattyǵýda kúmis júldege ıe boldy.

Osylaısha, Qazaqstan bul baǵdarlama boıynsha 32 jyldan keıin Azııa oıyndarynyń júldesine qaıta qol jetkizdi.

Qazaqstandyq balýandardyń nátıjesinde de oń ózgeris baıqaldy. Erkin kúresten ulttyq qurama úsh qola medal jeńip aldy. Al 2023 jylǵy Azııa oıyndarynda bul kúres túrinen Qazaqstan júldesiz qalǵan bolatyn. Áıelder kúresinde de nátıje jaqsardy. Bıyl sportshylarymyz bir kúmis jáne eki qola medal ıelense, 2023 jyly bir ǵana kúmis júlde jeńip alǵan edi. Osylaısha, kúres Qazaqstannyń jalpy medal qoryna turaqty úles qosyp keledi. Qola júldeler sanynyń artýy qazaqstandyq balýandardyń Azııa deńgeıindegi básekege qabilettiligin kórsetedi.

Azııa oıyndary qarsańynda sport federatsııalary ulttyq quramalardyń nátıjesine qatysty naqty mindettemeler bergen edi. Azıada qorytyndysy boıynsha Týrızm jáne sport mınıstrligi osy mindettemelerdiń oryndalýyna jan-jaqty taldaý júrgizedi.

Buǵan deıin Azıadanyń sońǵy jarys kúninde Qazaqstan quramasy kimdermen synǵa túsetinin jazǵanbyz.