Qazaqstannyń áıelder quramasy semserlesýden alǵash ret Azııa chempıonatynyń jartylaı fınalyna ótti
ASTANA.KAZINFORM - Semserlesýden Úndistan astanasy Delıdegi sary qurlyq dodasynyń kezekti kúninde sapy saıysynan áıelder arasyndaǵy komandalyq jarysy ótip jatyr.
Vladıslava Andreeva, Irına Bakaldına, Sofııa Nıkolaıchýk jáne Darıa Samodelkınadan quralǵan komandamyz 1/8 fınalda Taılandty 45:22 esebimen tas-talqanyn shyǵarsa, shırek fınalda Japonııany 45:42 esebimen utty.
Sportty damytý dırektsııasy málimetinshe, endi sanaýly sátten keıin olar byltyrǵy Azııa chempıonatynyń fınalısi, Olımpıada oıyndarynyń 2 márte júldegeri Ońtústik Koreıamen ózara myqtyny anyqtaıdy.
Aıta keteıik, maýntınbaıktan Qazaqstan quramasynyń bapkerler shtaby Tashkentte (Ózbekstan) ótetin 2026 jylǵy Azııa chempıonatyna qatysatyn sportshylar tizimin jarııalady.
