Qazaqstannyń áıelder quramasy Muhamet Malo týrnırinde birinshi oryn aldy

ASTANA. KAZINFORM — Tırana qalasynda (Albanııa) 26–28 aqpan aralyǵynda ótip jatqan kúres túrlerinen halyqaralyq reıtıngtik týrnırde Qazaqstan áıelder quramasy komandalyq esepte birinshi oryndy ıelendi. 

Jalpy qorytyndy boıynsha birinshi orynda Qazaqstan, ekinshi Úndistan, úshinshi AQSh.

Jarystyń úshinshi kúninde arýlarymyz birneshe júldege qol jetkizdi.

72 kg salmaqta Jámılá Baqbergenova altyn medal jeńip alyp, týrnır chempıony atandy.

Sonymen qatar Nılýfar Raımova (57 kg) qola júldege ıe bolsa, 76 kg salmaqta Gúlmaral Erkebaeva da úshinshi orynǵa turaqtady.

Aıta keteıik, dodaǵa áıelder arasynda 22 memleketten 107 sportshy qatysty.

Eske salsaq Krıstına Shýmekova Germanııadaǵy álem chempıonatynda taǵy da úzdik shyqqan edi.