Qazaqstannyń avıatsııalyq ákimshiligine nege kil sheteldik mamandar basshy bolady
ASTANA. KAZINFORM — Ne sebepti «Qazaqstannyń avıatsııalyq ákimshiligi» kompanııasyn basqarý qyzmeti sheteldik mamandarǵa berilip kele jatqany málim boldy.
Qazirgi tańda «Qazaqstannyń avıatsııalyq ákimshiligi» AQ basshysy — rýmynııalyq top-menedjer Katalın Radý. 2019 jyldan 2022 jylǵa deıin ony aǵylshyn Pıter Grıffıts basqarǵan. Pıter Grıffıts óz erkimen jumystan ketken kezde onyń mindetin ýaqytsha atqarǵan orynbasary Lında Orledı de sheteldik maman. Basshylyq qyzmetke sheteldik mamandardyń jıi tartylýy elimizde avıatsııalyq basqarý salasynda bilikti mamandar tapshylyǵyn bildire me? Ne sebepti ózge elderden basshy mamandar tartylady? Kazinform agenttigi osy saýaldardy QR Kólik mınıstrligine joldaǵan edi.
— 2019 jyly «Qazaqstannyń avıatsııalyq ákimshiligi» AQ 100% memlekettiń qatysýymen quryldy. Uıymnyń negizgi fýnktsııalary — ushý qaýipsizdigi men avıatsııalyq qaýipsizdik salasyndaǵy tehnıkalyq baqylaý jáne qadaǵalaý. Qyzmetkerlerge jetekshi halyqaralyq avıatsııalyq uıymdarmen salystyrýǵa bolatyn tıisti eńbek jaǵdaılary jasaldy. Nátıjesinde salany tabysty damytý úshin joǵary bilikti sheteldik sarapshylardy tartý múmkindigi bary anyqtaldy. Kásiporyndy tıimdi basqarý maqsatynda azamattyq avıatsııa salasynda ozyq halyqaralyq uıymdarda jumys tájirıbesi bar sheteldik mamandar tartylady. Quzyretti sheteldik mamandardy tartý jalpy álemdik tájirıbe sanalady (Sıngapýr, BAÁ jáne t. b.). Mundaı mamandar jergilikti mamandar arasynan jańa kadrlardyń qalyptasýyna oń yqpal etip, tájirıbe almasýǵa atsalysýda. Atalǵan model jetekshi eýropalyq elder men brıtandyq avıatsııa organdaryna uqsas, — dep jazylǵan vedomstvonyń resmı jaýabynda.
Mınıstrlik qabyldanǵan sharalar baqylaý men qadaǵalaýdyń tıimdiligin arttyrýǵa, Qazaqstannyń azamattyq avıatsııasynyń halyqaralyq arenadaǵy ımıdjin jaqsartýǵa múmkindik beretinin atap ótken.
— Halyqaralyq azamattyq avıatsııa uıymy (IKAO) jáne Eýropalyq komıssııa Qazaqstannyń jańa modeldi engizý boıynsha jumysynda ilgerileý baryn atap ótti. 2021 jylǵy 2-11 tamyz aralyǵynda IKAO-nyń Úılestirilgen valıdatsııalyq mıssııasy (ICVM) sheńberinde IKAO aýdıtorlarynyń salany táýelsiz tekserýi júrgizildi. Onda Qazaqstan ushý qaýipsizdigin qamtamasyz etý deńgeıin 74%-dan 82%-ǵa deıin arttyrǵany anyqtaldy (salystyrý úshin: Germanııa — 93%, Ulybrıtanııa — 93%, Danııa — 84%, Polsha — 82%, Ázerbaıjan — 79%, Reseı — 69%, Ózbekstan — 59%, ortasha, álemde — 67%, ortasha, Eýropa — 77%), — delingen habarlamada.
Aıta keteıik, buǵan deıin Nurtóre Júsip óziniń depýtattyq saýalynda Úkimetke azamattyq avıatsııanyń negizgi problemalaryn atap kórsetken edi.
Sonymen qatar, elimizde azamattyq avıatsııany damytý strategııasy qashan qurylatyny belgili boldy.
Budan bólek, Azamattyq avıatsııa akademııasyna erekshe mártebe beriletini aıtyldy.