AQSh-ta Trampty óltirýge tapsyrys berdi degen kúdikpen Pákistan azamaty ustaldy

ASTANA. KAZINFORM - AQSh bıligi amerıkalyq saıasatkerlerge, onyń ishinde Respýblıkalyq partııadan prezıdenttikke úmitker Donald Trampqa qastandyq jasady degen kúdikpen Pákistan azamaty Asıfe Merchanteni qamaýǵa aldy, dep jazady CNN. 

CNN-niń habarlaýynsha, jarııalanǵan sot qujattaryna sáıkes, Ádilet mınıstrligi Iran úkimetimen baılanysy bar degen kúdikpen Pákistan azamatyna bıylǵy tamyzdyń sońy nemese qyrkúıek aıynyń basynda saıası qastandyq jasamaq boldy degen aıyp taqty.

— 46 jastaǵy Asıf Merchant Nıý-Iorkke bardy jáne Brýklınde (Nıý-Iork) federaldy prokýrorlar taqqan aıyptarǵa sáıkes, tamyzdyń aıaǵynda nemese qyrkúıektiń basynda kisi óltirý úshin ony oryndaýshymen birlesip jumys istedi dep aıyptaldy,-dep habarlaıdy CNN.

Prokýrorlardyń aıtýynsha, Merchant 12 shildede AQSh-tan ketýge daıyndalyp jatqan kezde quqyq qorǵaý organdarynyń jasyryn qyzmetkerleri bolǵan kúdiktilermen kezdeskennen keıin kóp uzamaı qamaýǵa alyndy. Merchant qazir federaldy qorǵaýda. 46 jastaǵy pákistandyq biraz ýaqyt búkil otbasymen Iranda turǵan.

Pákistan Syrtqy ister mınıstrligi jaǵdaıǵa qatysty túsinik berip, tergeý nátıjelerin alǵannan keıin Islamabadtan resmı málimdeme jasalatynyn aıtty.