Qazaqstannyń aýyl sharýashylyǵy ónimderi 80-nen astam elge eksporttalady - Prezıdent

ASTANA. KAZINFORM — Qazaqstan sheteldik ınvestorlardyń qatysýymen agroónerkásip kesheninde 5 mlrd dollardyń jobalaryn iske asyrady. Bul týraly QR Prezıdenti janyndaǵy Sheteldik ınvestorlar keńesiniń 36-shy plenarlyq otyrysynda Memleket basshysy Qasym-Jomart Toqaev aıtty.

«Qazaqstannyń aýyl sharýashylyǵy damytý búkil Ortalyq Azııa óńiriniń azyq-túlik qaýipsizdigin qamtamasyz etý úshin strategııalyq basymdyq sanalady. Qazaqstan aýmaǵy 200 mıllıon gektardan astam aýyl sharýashylyǵy alqabymen álemde altynshy orynda tur. Qazirgi ýaqytta bizdiń aýyl sharýashylyǵy ónimderimiz álemniń 80-nen astam eline eksporttalady», — dedi Qasym-Jomart Toqaev.

Memleket basshysy sońǵy alty jylda aýyl sharýashylyǵy ónimderiniń eksporty eki esege artyp, 5 mıllıard dollardan asqanyn basa aıtty.

«Biz agroónerkásip keshenin joǵary tehnologııalyq sektorǵa aınaldyrýdy umtylyp otyrǵandyqtan, sheteldik ınvestorlardyń qatysýymen quny 5 mıllıard dollar bolatyn 100-den astam joba júzege asyrylady», — dedi Prezıdent.

Buǵan deıin Qazaqstan tehnıkalyq jáne kásiptik bilim berý sapasyn arttyrýǵa daıyn ınvestorlardy izdeıtindigin jazǵan edik.

Sondaı-aq 2029 jylǵa qaraı elimiz 150 mlrd dollar tikeleı shetel ınvestıtsııasyn tartady.