Qazaqstannyń áýe tasymaly shtattyq rejımde jumys istep tur

30-31 jeltoqsanǵa qaraǵan túni Astana áýejaıynan ushaqtardyń ushýy men qonýy qaıta jandandy. Áýeaılaqtaǵy aýa-raıy turaqtaldy, qazirgi ýaqytta áýe aılaq shtattyq rejımde jumys isteýde. Bul týraly QR Kólik mınıstrliginiń baspasóz qyzmeti habarlady. 

Quramyna QR Kólik mınıstrliginiń, Azamattyq avıatsııa komıtetiniń, Qazaqstannyń avıatsııalyq ákimshiliginiń, Qazaeronavıgatsııanyń, áýejaıdyń jáne Qazaqstan astanasyna ushýdy júzege asyratyn barlyq avıakompanııalardyń basshylary men jaýapty qyzmetkerleri engen jedel shtab óz jumysyn jalǵastyrýda.

2023 jylǵy 31 jeltoqsanda elorda áýejaıynda 206 reıs (101 – ushyp kelý , 105 - ushý) oryndaý josparlanǵan. Onyń ishinde 39 reıs keshiktiriledi (25 – ushyp keletin, 14 - ushatyn) jáne 29 reıs toqtatyldy (13 – ushyp keletin, 16 - ushatyn).

Almaty qalasynyń áýejaıy da shtattyq rejımde jumys isteıdi. Búgin 31 jeltoqsanda 181 reıske qyzmet kórsetý josparlanýda (82 – ushyp kelý, 99 - ushý), 38 keshiktirildi (28 – ushyp kelý, 10 - ushý), 3 reıs toqtatyldy.

Aqtaý qalasynyń áýejaıynda kórý múmkindigi 350 m. 31.12.2023 j. jospar boıynsha reısterdiń jalpy sany 45 (26 – ushyp kelý, 19- ushý), 22 reıs keshiktiriledi (13 – ushyp kelý, 9 - ushý), 4 reıs toqtatyldy ( 2 – ushyp kelý , 2 - ushý).

Aıta keteıik, 2023 jylǵy 30 jeltoqsanda Astana áýejaıynda aýa raıy qolaısyz boldy (ekpini 23 m/s deıin jel, nashar kóriný, 100-150 metr, tómen qarly boran soǵyp, qar jaýdy). Áýe kemelerin muzǵa qarsy óńdeýdi júrgizý múmkin bolmaǵandyqtan jáne bos turaqtardyń bolmaýyna baılanysty Astana qalasynyń áýejaıy reısterdi qabyldaýǵa shekteý engizdi.

Reısteri keshiktirilgen jolaýshylary úshin qalyptasqan jaǵdaıǵa baılanysty mynadaı sharalar qabyldandy:

- avıakompanııalar qonaq úıde 115 jolaýshyny ornalastyrdy (Air Astana-43, Fly Arystan-19, SCAT – 30, Qazaq Air-23);

- Astana qalasynyń áýejaıynda 5 bala jáne 2 eresek erip júrýshi ornalastyryldy;

Reısteri keshiktirilgen jolaýshylar úshin qolaıly jaǵdaı qamtamasyz etý maqsatynda Astana qalasynyń áýejaıy barlyq ushatyn jolaýshylar úshin:

- 3590 portsııa tamaq (ystyq tamaq jáne donerler);

- Shaı, kofe, sý, shyryn;

- balalarǵa arnalǵan shyryn men shokolad;

- mýzykanttar men anımatorlardyń qatysýymen ótetin mádenı-buqaralyq is-sharalar uıymdastyrdy.

Air Astana áýekompanııasy óz jolaýshylaryna áýejaıda jáne áýe kemesiniń bortynda 3455 portsııa ystyq jáne jeńil tamaq berdi.

2-termınaldyń D01, D02, DO5 jáne D06 shyǵý esiginde 4 ústel tamaq pen alkogolsiz sýsyn taratyldy (ishki reıster).