Qazaqstannyń áýe kóligi salasynda tranzıttik áleýeti joǵary - Beken Seıdahmetov
ASTANA. KAZINFORM — Elordadan shyǵatyn reıster artady. Bul týraly BIZDIÑ ORTA podkastynda «Nursultan Nazarbaev halyqaralyq áýejaıy» AQ Basqarma tóraǵasy Beken Seıdahmetov málim etti.
- Qazir áýejaıda 2 myń 350 adam jumys istep jatyr. Degenmen, áli de mamandar jetispeıtini baıqaldy. Jaqynda tıisti sheshim qabyldandy, ıaǵnı jumysshylardyń sany kóbeıtilmek. Óıtkeni, reısterdiń kóbeıip jatqynan eskere otyryp, jolaýshylar men ushaqtarǵa qyzmet kórsetý máselesi ózekti, - dedi Beken Seıdahmetov.
Onyń aıtýynsha, mamandar tórt aýysymda jumysqa shyǵady. Kúndelikti ár aýysymda 450-500 adam qyzmet etedi.
- Memleket basshysynyń halyqaralyq avıatsııalyq hab qurý jónindegi mindetteri aıasynda tıisti jumys iske asyp jatyr. Bul rette úlken tranzıttik múmkindikti júzege asyrý eskerilgen. Qazir elimizde avtojoldar jańartylyp, Eýropa pen Qytaı arasynda taýar tasymaldaý áleýeti artty. Temirjol salasynda da jańa baǵyttar ashylyp jatyr. Endi áýejaı salasynda da jolaýshylar men júk tasymalynda tranzıttik múmkindikti arttyrý kerek. Osy oraıda bizde aýqymdy jospar iske asyp jatyr, - dedi basqar tóraǵasy.
Onyń paıymynsha, tórtinshi munaı óńdeý zaýatynyń qurylysy men qoldanystaǵy MÓZ-derdiń qýatyn arttyrý jospary arqyly áýe kóligi salasyn damytýǵa jaqsy jaǵdaı jasalady.
Eske salsaq, Astanada jańa áýejaıdyń qurylysy kelesi jyly bastalady.
